भक्तपुर । विश्व फुटबलको सर्वोच्च प्रतियोगिता फिफा विश्वकप भोली अर्थात आइतवारबाट सुरु हुदैछ । एसियाली राष्ट कतारमा हुने प्रतियोगिता २२ औं संस्करणको हुनेछ ।
विश्व खेलकुदकै लोकप्रिय मानिएको फिफा विश्वकप सन् १९३० मा उरुग्वेबाट सुरु भएयता २१ संस्करणहरु भईसकेका छन् । यस्तोमा प्रतियोगिताको २१ संसस्करणसम्म क–कसले कतिपटक जिते त ? अहिले ति राष्ट्रहरु विश्व फुटबलमा कुन ठाउँमा छ त ? चर्चा गरौं ।
ब्राजिल (५ पटक विजेता)
विश्व फुटबलको महारथी राष्ट्रका रुपमा चिनिएको दक्षिण अमेरिकी देश हो ब्राजिल । २१ संस्करणसम्ममा महान फुटबलर पेलेको देश ब्राजिलले सर्वाधिक पाँच पटक विश्वकप उपाधि चुमेको छ भने दुई पटक उपविजेता भएको छ ।
ब्राजिलले सन् १९५८ मा पहिलो पटक विश्वकप उपाधि उचालेको थियो । त्यसपछि सन् १९६२, १९७०, १९९४ मा उपाधि जित्दा पछिल्लोपटक सन् २००२ मा विश्वकप उचालेको थियो । त्यस्तै, सन् १९५० र १९९८ को विश्वकपको फाइनलसम्मको यात्रा तय गरेको थियो ।
नेयमार जुनियिरको कप्तानीमा रहेको अहिलेको ब्राजिली टिमलाई कतार विश्वकपको प्रमूख दाबेदार टोलीको रुपमा लिईएको छ । इए स्पोट्सले पछिल्लोपटक गरेको भविष्यवानीमा पनि ब्राजिली टोली फाइनलसम्म पुग्ने बताइएको छ ।
ब्राजिली टोलीमा नेयमारसंगै भिनिसियस जुनियर, राड्रिगो, राफिना, एन्टोनी, ग्रावियल जेसस तथा रिचार्र्लिसन जस्ता आक्रमक खलाडीहरुको साथ रहँदा मिडफिल्ड र डिफेन्स लाइन पनि त्यति नै मजबुद रहेको छ ।
फिफाले हरेका महिना निकालिने वरियतामा पछिल्लो अक्टुवर महिनाको वरियताक्रममा ब्राजिल शीर्ष स्थानमा रहेको छ ।
जर्मनी (४ पटक)
युरोपेली राष्ट्र जर्मनीले अहिलेसम्म चार पटक फिफा विश्वकपको उपाधि उचालिसकेको छ । सन् १९५४, १९७४, १९९० र पछिल्लोपटक २०१४ मा प्रतिष्ठित उपाधि उचालेको छ । त्यस्तै, जर्मनीले सन् १९६६, १९८२, १९८६ र २००२ मा फाइनल खेलेको थियो ।
थोमस मुलर, आइके गुन्डुवान, काई हार्बाटेज, म्यानियल निउर, टेर स्टेगनजस्ता चर्चित अनुहार रहेको जर्मनीको अहिलेको टोली पनि बलियो रहेको छ । पछिल्लो फिफा वरियतामा जर्मनी ११ औं स्थानमा रहेको छ ।
इटाली (४ पटक)
फिफा विश्वकपको उपाधि चार पटक नै जितेको युरोपेली अर्को राष्ट्र हो इटाली । सन् १९३४, १९३८, १९८२ र पछिल्लोपटक २००६ मा इटालीले विश्वकप उपाधि जितेको थियो । त्यस्तैगरी, इटालीले सन् १९७० र १९९४ मा विश्वकपको फाइनल खेलेको छ ।
वर्तमान समयको फुटबलमा पनि बलियो रहेको इटाली विश्वकप छनोटको प्लेअफ सेमिफाइनलमा कमजोर मानिएको नर्थ मेसेडोनियासंग १–० ले स्तब्ध भएपछि कतार विश्वकपको अन्तिम चरण पुग्नबाट बन्चित रह्यो ।
पछिल्लो फिफा वरियतामा इटाली छैटौं स्थानमा रहेको छ ।
अर्जेन्टिना (२ पटक)
वर्तमान विश्व फुटबलका उत्कृष्ट खेलाडी लियोनल मेसीको देश हो अर्जेन्टिना ।
विश्व फुटबलका अर्का महान् हस्ती डिएगो म्यारोडोनाको समेत देश रहेको अर्जेन्टिनाले सन् १९७८ र १९८६ मा गरी हालसम्म दुईपटक फिफा विश्वकप उचालिसकेको छ । त्यस्तैगरी सन् १९३०, १९९० र २०१४ मा फाइनलसम्मको यात्रा तय गरेको छ ।
मेसीको कप्तानीमा रहेको अहिलेको विश्वकप खेल्ने टिम पनि एकदम बलियो र सन्तुलित रहेको छ । मेसीसंगै एन्जेल डी मारिया, लाउटारो मार्टेनिज, पाउलो डिबाला, लिसान्ड्रो माट्रिनेजजस्ता स्टार खेलाडीले भरिएको अर्जेन्टिनालाई ईए स्पोट्सले विश्वकप जित्ने प्रक्षपण गरेको छ ।
फिफा वरियतामा अर्जेन्टिना तेस्रो स्थानमा रहेको छ ।
फ्रान्स (२ पटक)
साविक विजेता फ्रान्सले पनि अहिलेसम्म दुई पटक विश्वकप उपाधि जितिसकेको छ ।
सन् १९९८ मा पहिलो पटक विश्वकप जितेको फ्रान्सले पछिल्लोपटक रसियामा भएको विश्वकप जितेको थियो । जिनेदिन जिदानजस्ता फुटबल लेजेण्डको देश फ्रान्सले सन् २००६ को फाइनल पनि खेलेको थियो ।
केहि समयअघि मात्रै बेलेन डीओआर जितेका करिम बेन्जामासंगै केलियन एम्वाप्पे, राफायल भरानजस्ता चर्चित अनुहारले भरिएको फ्रान्सेली टोली निक्कै नै बलियो रहेको छ ।
यसपटक उपाधि रक्षा अभियानमा रहेको फ्रान्सेली टोली बलियो रहेको छ । पछिल्लो फिफा वरियतामा फ्रान्स चौंथौ स्थानमा रहेको छ ।
उरुग्वे (२ पटक)
पहिलो संस्करणको फिफा विश्वकपको आयोजक राष्ट्र उरुग्वेले पहिलो विश्वकप नै उचालेको थियो । त्यसपछि उरुग्वेले सन् १९५० मा दोस्रो तथा अहिलेसम्मको अन्तिम विश्वकप जितेको थियो ।
लुईस स्वारेज, इडिसन काभानी जस्ता अनुभवी खेलाडी रहेको वर्तमान विश्वकप खेल्ने टोलीमा गोडिन गोमेज, फर्नाडो टोरेसजस्ता राम्रा खेलाडीहरु रहेका छन् ।
कतार विश्वकपका लागि बलियो प्रत्यासी नरहेता पनि उरुग्वेको टिम दोस्रो चरणसम्म गुग्ने विश्वास गर्न सकिन्छ । फिफा विश्वकपमा उरुग्वे १४ औं स्थानमा रहेको छ ।
इंग्ल्याण्ड (१ पटक)
संयुक्त राज्य बेलायतको सबभन्दा ठूलो राज्य इंग्ल्याण्डले सन् १९६६ को फिफा विश्वकप जितेको थियो । त्यसयता अहिलेसम्म कुनैपनि ठूला प्रतियोगिताहरु उसले जितेको छैन ।
अहिलेको आधुनिक फुटबलमा व्यवसायिक रुपमा सवभन्दा राम्रो घरेलु लिग इंग्ल्याण्डको इंग्लिस प्रिमियर लिगलाई मानिन्छ । स्तरीय र प्रतिस्पर्धात्मक भएकै कारणले विश्व फुटबलका सबभन्दा धेरै सर्मथकहरुले यस लिगलाई पछ्याउने गर्दछन् ।
सोहि कारण होला इंग्लिस टिमलाई प्राय हरेक जसो ठूला प्रतियोगिताका लागि उपाधि दाबेदार माने गरिन्छ ।
अघिल्लो संस्करणको रसिया विश्वकपमा सेमिफाइनलसम्मको यात्रा तय गरेको इंग्लिस टोलीले पछिल्लो पटक आफ्नै घरेलु मैदानमा सम्पन्न युरो कपको फाइनलसम्म पुग्नुले अहिलेको इंग्लिस टिम बलियो रहेको प्रमाणित हुन्छ ।
उसो त पछिल्लो समय ग्यारेथ साउथगेटको प्रशिक्षणमा रहेको इंग्लिस टोली खराब प्रदर्शनका कारण यूईएफए नेसन्स कपमा रेलिगेशनमा परेको थियो ।
तर पनि ह्यारी केनको कप्तानीमा रहेको कतार विश्वकप खेल्ने टोलीमा जेम्स म्याडिसन, मार्कुस रासफोर्ड, मेन्सन माउण्ट बुकायो साका, डिक्लेन राइस जस्ता युवा स्टारहरुले भरिएको टिम छ ।
जसले गर्दा यसपटकको विश्वकपको अर्को एक उपाधि दाबेदार टोली मान्न कर लाग्छ । फिफा वरियतामा इंग्ल्याण्ड पाँचौं स्थानमा रहेको छ ।
स्पेन (१ पटक)
स्पेनले सन् २०१० मा विश्वकप उपाधि जितेको थियो । त्यसयता ठूला प्रतियोगिताहरुमा राम्रो प्रदर्शन गर्न नसकिरहेको स्पेनिस टोलीले कतारमा राम्रो प्रदर्शन गर्ने अपेक्षा गर्न सकिन्छ ।
गाभी, पेड्री, मोराटा, आसु फाटी, कार्भाजल लापार्टोजस्ता स्तरिय खेलाडीले भरिएको स्पेनिस टिमलाई बलियो रहेको छ । फिफा वरियतामा सातौं स्थानमा रहेको छ ।
लेखक
