एजेन्सी । भारतमा जारी १७ औं संस्करणको इन्डियन प्रिमियर लिग (आईपिएल) को उपाधि कोलकता नाइट राइडर्सले जितेको छ ।
आईतवार राति भएको फाइनल खेलमा सनराइजर्स हैदराबादमाथि ८ विकेटको सहज जित हासिल गर्दै कोलकता नाइट राइडर्सले आईपिएलको उपाधि जितेको हो ।
यो कोलकताको तेस्रो आईपिएल उपाधि हो । त्यसअघि सन् २०१२ र २०१४ मा आईपिएल जितेको थियो ।
चेन्नेईस्थित एम. ए. चिदमबरम रंगशालामा भएको फाइनल खेलमा ११४ रनको सामान्य विजयी लक्ष्य पछ्याएको कोलकताले १०.३ ओभरमा २ विकेट गुमाउँदै पूरा गर्यो ।
कोलकताको जितमा भेनकतेश ऐयरले २६ बलमा ४ चौका र ३ छक्का प्रहार गर्दै ५२ रनको अर्धशतकिय पारी खेल्दै अविजित रहँदा ओपनर ब्याट्सम्यान तथा विकेटकिपर रहमानुल्लाह गुरबाजले ३२ बल खेल्नेक्रममा ५ चौका र २ छक्का प्रहार गर्दै ३९ रन जोडेर पेविलियन फर्किए ।
त्यस्तै, अर्का ओपनर सुनिल नारिने ६ रनमा पेविलियन फर्किदा कप्तान श्रेयस ऐयर ६ रनमा अविजित रहे ।
कोलकताले अतिरिक्त रुपमा ११ रन जोड्यो ।
हैदराबादका लागि कप्तान प्याट कमिन्स र शाहबाज अहमेदले समान १–१ विकेट लिए ।
त्यसअघि टस जितेर पहिला ब्याटिङमा उत्रिएको सन् २०१६ को विजेता सनराइजर्स हैदराबादले १८.३ ओभरमा अलआउट हुँदै मात्र ११३ रन जोड्यो ।
हैदराबादका लागि प्याट कमिन्सले १९ बलमा २ चौका र १ छक्का प्रहार गर्दै २४ रन जोडेर आउट हुँदा अैदिन मार्करामले २३ बलमा ३ चौका प्रहार गर्दै २० रन जोड्दा पेविलियन फर्किए ।
त्यस्तै, विकेटकिपर हेनरिक क्लासेनले १७ बल खेल्दै १ चौका प्रहार गरेर १६ रन जोडेर आउट हुँदा नितिश कुमार रेड्डीले १० बलमा १ चौका र १ छक्का प्रहार गर्दै १३ रन जोडेर पेविलियन फर्किए ।
यता, राहुल त्रिपाठी ९, शाहबाज अहमेद ८, अब्दुल सामद र जयदेव उदाकत समान ४–४, अभिषेक शर्मा २ र ट्राभिस हेड शुन्य रनमा पेविलियन फर्किए ।
भुवनेश्वर कुमार शुन्य रनमा अविजित रहे ।
हैदराबादले अतिरिक्त रुपमा १३ रन जोड्यो ।
हैदराबादलाई सस्तैमा अलआउट गर्न कोलकताका लागि एन्ड्रे रस्सेलले ३ विकेट लिँदा मिट्चेल स्टार्क र हर्षित राणाले समान २–२ विकेट लिए ।
त्यस्तै, बैभव अरोरा, सुनिल नारिने र वरुण चक्रवतीले समान १–१ विकेट लिए ।
लेखक
