एजेन्सी । सनराइजर्स हैदराबाद भारतमा जारी १७ औं संस्करणको इन्डियन प्रिमियर लिग (आईपिएल) को फाइनलमा प्रवेश गरेको छ ।
शुक्रवार राति भएको क्वालिफायर २ अन्तर्गत खेलमा राजस्थान रोयल्समाथि ३६ रनको जित हासिल गर्दै सनराइजर्स हैदराबाद आईपिएलको फाइनलमा प्रवेश गरेको हो ।
योसंगै आईपिएलको उपाधिका लागि हैदराबादले कोलकता नाइट राइडर्ससंग खेल्ने पक्का भएको छ ।
कोलकताले यसअघि नै क्वालिफायर १ खेलमा हैदराबादलाई ८ विकेटले पराजित गर्दै फाइनलमा स्थान बनाएको थियो ।
चेन्नेईस्थित एम. ए. चिदमबरम रंगशालामा भएको खेलमा १७६ रनको विजयी लक्ष्यका साथ जवाफी ब्याटिङमा उत्रिएको राजस्थान रोयल्स निर्धारित २० ओभरको खेलमा ७ विकेट गुमाउँदै मात्र १३९ रनमा समेतियो ।
राजस्थानका लागि ध्रव जुरेलले ३५ बलमा ७ चौका र २ छक्का प्रहार गर्दै सर्वाधिक ५६ रनको अर्धशतकिय पारी खेल्दै अविजित रहँदा ओपनर ब्याट्सम्यान यशस्वी जैसवालले २१ बल खेल्दै ४ चौका र ३ छक्का प्रहार गर्दै ४२ रन जोडेर पेविलियन फर्किए ।
त्यस्तै, कप्तान तथा विकेटकिपर सन्जु सामसनले ११ बलमा १ चौका प्रहार गर्दै १० रन जोडेर आउट हुँदा अर्का ओपनर टम कोहलेर काडमोरले १६ बल खेल्दै १ चौका मद्दतमा १० रन जोडेर पेविलियन फर्किए ।
राजस्थानका अन्य कुनैपनि ब्याटरले दोहोरो अंकमा रन जोड्न सकेन ।
रियान पराग र रोभमान पोवेल समान ६–६, शिमरन हेटमायर ४ र रविचन्द्रन आश्विन शुन्य रनमा पेविलियन फर्किए ।
ट्रेन्ट बोल्ड शुन्य रनमा अविजित रहे ।
राजस्थानले अतिरिक्त रुपमा ५ रन जोड्यो ।
राजस्थानलाई सस्तैमा समेत्दै महत्वपूर्ण जित निकाल्न हैदराबादका लागि शाहबाज अहमेदले ४ ओभर बलिङ गर्दै २३ रन दिएर ३ विकेट लिँदा अभिषेक शर्माले ४ ओभरमा २४ रन दिएर २ विकेट लिए ।
त्यस्तै, कप्तान प्याट कमिन्सले ४ ओभर बलिङ गर्नेक्रममा ३० रन खर्चिएर १ विकेट लिँदा थङ्गरसु नतराजनले ३ ओभर बलिङ गर्दै १३ रन दिएर १ विकेट लिए ।
त्यसअघि टस हारेर पहिला ब्याटिङमा उत्रिएको सनराइजर्स हैदराबादले निर्धारित २० ओभरको खेलमा ९ विकेट गुमाउँदै १७५ रन जोड्यो ।
हैदराबादका लागि विकेटकिपर हेनरिक क्लासेनले ३४ बलमा ४ छक्का प्रहार गर्दै ५० रनको अर्धशतकिय पारी खेल्दा राहुल त्रिपाठीले १५ बल खेल्नेक्रममा ५ चौका र २ छक्का प्रहार गर्दै ३७ रन जोडेर पेविलियन फर्किए ।
यता, ओपनर ब्याट्सम्यान ट्राभिस हेडले २८ बल खेल्नेक्रममा ३ चौका र १ छक्का प्रहार गर्दै ३४ रन जोडेर आउट हुँदा इम्प्याक्ट प्लेयरका रुपमा मैदान छिरेका शाहबाज अहमेदले १८ बल खेलदै १ छक्का प्रहार गरेर १८ रन जोड्दै पेविलियन फर्किए ।
त्यस्तै, अर्का ओपनर अभिषेक शर्माले ५ बलमा १ चौका र १ छक्का प्रहार गर्दै १२ रन जोडेर आउट हुँदा कप्तान प्याट कमिन्स, जयदेव उनादकात र नितिश कुमार रेड्डी समान ५–५ र अदैन मार्कराम १ रनमा पेविलियन फर्किए ।
अब्दुल सामद भने शुन्य रनमा पेविलियन फर्किए ।
हैदराबादले अतिरिक्त रुपमा ८ रन जोड्यो ।
राजस्थानका लागि ट्रेन्ट बोल्डले ४ ओभर बलिङ गर्नेक्रममा ४५ रन खर्चिएर ३ विकेट लिँदा आभेश खानले ४ ओभर बलिङ गर्दै २७ रन दिएर ३ विकेट लिए ।
त्यस्तै, सन्दिप शर्माले ४ ओभर बलिङ गर्दै २५ रन दिएर २ विकेट लिए ।
अब आईपिएलअन्तर्गत फाइनल खेल आईतवार राति हुनेछ ।
लेखक
