एजेन्सी । भारतमा जारी ईन्डियन प्रिमियर लिग (आईपिएल) अन्तर्गत पहिलो क्वालिफायर खेलमा जित निकाल्दै कोलकता नाइट राइडर्स फाइनलमा प्रवेश गरेको छ ।
मंगलवार राति भएको पहिलो क्वालिफायर खेलमा सनराइजर्स हैदराबादमाथि ८ विकेटको जित निकाल्दै कोलकता नाइट राइडर्स फाइनलमा प्रवेश गरेको हो ।
पराजित हैदराबादले भने अब इलिमिनेटर खेलको विजेतासंग क्वालिफायर २ खेल्न पर्ने भएको छ ।
अहमदाबादस्थित नरेन्द्र मोदी रंगशालामा भएको खेलमा १६० रनको सामान्य विजयी लक्ष्यका साथ जवाफी ब्याटिङमा उत्रिएको कोलकताले १३.४ ओभरमा २ विकेट गुमाउँदै १६४ रन जोड्यो ।
कोलकताको जितमा कप्तान श्रेयस ऐयरले २४ बलमा ५ चौका र ४ छक्का प्रहार गर्दै ५८ रनको अर्धशतकिय पारी खेल्दै अविजित रहँदा भेनकटेश ऐयरले २८ बल खेल्दै ५ चौका र ४ छक्का प्रहार गर्दै ५१ रनको अर्धशतकिय पारी खेल्दै अविजित रहे ।
त्यस्तै, ओपनर ब्याट्सम्यान तथा विकेटकिपर रहमानुल्लाह गुरबाजले १४ बलमा २ चौका र २ छक्का प्रहार गर्दै २३ रन जोडेर आउट हुँदा अर्का ओपनर सुनिल नारिनेले १६ बल खेल्नेक्रममा ४ चौका प्रहार गरेर २१ रन जोड्दै पेविलियन फर्किए ।
कोलकताले अतिरिक्त रुपमा ११ रन जोड्यो ।
हैदराबादका लागि कप्तान प्याट कमिन्सले ३ ओभर बलिङ गर्दै ३८ रन खर्चिएर १ विकेट लिँदा थङरसु नतराजनले पनि ३ ओभर बलिङ गर्दै २२ रन दिएर १ विकेट लिए ।
त्यसअघि टस जितेर पहिला ब्याटिङमा उत्रिएको हैदराबादले १९.३ ओभरमा अलआउट हुँदै १५९ रन जोड्यो ।
हैदराबादका लागि राुहल त्रिपाठीले ३५ बलमा ७ चौका र १ छक्का प्रहार गर्दै ५५ रनको अर्धशतकिय पारी खेल्दै रनआउट हुँदा विकेटकिपर हेनरिक क्लासेनले २१ बल खेल्दै ३ चौका १ छक्का प्रहार गर्दै ३२ रन जोडेर पेविलियन फर्किए ।
त्यस्तै, प्याट कमिन्सले २४ बलमा २ चौका र २ छक्का प्रहार गर्दै ३० रन जोडेर आउट हुँदा अब्दुल सामदले १२ बललमा २ छक्का प्रहार गर्दै १६ रन जोडेर पेविलियन फर्किए ।
यता, विजयाकन्थ विजयाकन्थ ७ रनमा अविजित रहँदा नितेश कुमार रेड्डी ९ र अभिषेक शर्मा ३ रनमा आउट भए ।
हैदराबादका अन्य ४ खेलाडीले अंकको खाता नै खोल्न सकेनन् ।
हैदराबादले अतिरिक्त रुपमा ७ रन जोड्यो ।
हैदराबादलाई सस्तैमा अलआउट गर्न कोलकताका लागि मिट्चेल मार्सले ४ ओभर बलिङ गर्दै ३४ रन दिएर ३ विकेट लिँदा वरुण चक्रवतीले ४ ओभरमा २६ रन दिएर २ विकेट लिए ।
त्यस्तै, वैभव अरोरा, हर्षित राणा, सुनिल नारिने र आन्द्रे रस्सेलले समान १–१ विकेट लिए ।
लेखक
