भक्तपुर । बेल्जियमका कप्तान इडेन हाजार्डले अन्तिराष्ट्रिय फुटबलबाट सन्यासको घोषणा गरेका छन् ।
कतारमा जारी फिफा विश्वकपमा युरोपेली राष्ट्र बेल्जियम समूह चरणबाटै बाहिरिएको थियो ।
युरोपको बलियो टोलीले विश्वकपको समूह चरणमा एक खेलमा जित, एकमा हार र एकमा बराबरीको नतिजा आत्मसाथ गरेको थियो ।
रेड डेभिल्सका रुपमा परिचित बेल्जियमको विश्वकप यात्रा टुंगिएसंगै हाजार्डले सन्यासको घोषणा गरेको हुन् ।
३१ वर्षिया खेलाडीले बेल्जियमका लागि १२६ खेल खेल्दा ३३ गोल गरेका छन् । रियल मड्रिडका स्टारले राष्ट्रिय टोलीबाट करिब १४ वर्ष खेलेका छन् ।
सन् २०१८ को रसिया विश्वकपमा हाजार्डको कप्तानीमा बेल्जियम तेस्रो स्थानसम्म पुगेको थियो ।
बुधवार हार्जाडले सामाजिक सञ्जाल इन्टाग्राममार्फत अन्तराष्ट्रिय खेलबाट सन्यास लिएको बताएका हुन् ।
लेखक
