एजेन्सी । इर्लिङ हलान्डले ह्याट्रिक हान्दा इंग्लिस प्रिमियर लिगमा म्यानचेस्टर सिटीले उल्भ्समाथि सहज जित हात पारेको छ ।
आइतवार इतिहाद रंगशालामा भएको खेलमा म्यानचेस्टर सिटीले उल्भ्समाथि ३–० को जित हात पारेको हो ।
घरेलु टोलीको जितमा हलान्डले खेलको ४०, ५० र ५४ औं मिनेटमा गोल गरे । हलान्डको जारी लिगमा यो चौथौं ह्याट्रिक हो ।
जितसंगै साविक विजेता सिटीको २० खेलमा ४५ अंक भएको छ । यो भनेको सिटीको भन्दा दुई खेल कम खेलेको आर्सनलको भन्दा २ अंकले कम हो ।
यता, उल्भ्सको समान खेलमा १७ अंक छ । उल्भ्स तालिकाको १७ औं स्गानमा छ । आजै भएको अन्य खेलमा लिड्स युनाइटेड र ब्रेन्टफोर्डले गोलरहित बराबरी खेलेको छ ।
लेखक
