भक्तपुर । युएईमा जारी आईसीसी यू–१९ विश्वकप एसिया छनोटअन्तर्गतको तेस्रो खेलमा नेपालले हङकङमाथि सहज जित हात पारेको छ ।
सोमवार भएको खेलमा हङकङ नेपालसंग ९ विकेटले पराजित हुँदा नेपालले सहज जित हात पारेको हो ।
यूएईस्थिति मलेका क्रिकेट मैदानमा भएको खेलमा हङकङले दिएको १ सय २१ रनको सामान्य विजयी लक्ष्य नेपालले २२.१ ओभरमा १ विकेट गुमाएर पूरा गर्यो । प्रतियोगितामा नेपालको यो लगातार तेस्रो जित हो ।
नेपालको जीतमा आकाश त्रिपाठीले ७२ बलमा अविजित ६४ रन बनाए । त्यस्तै, उत्तम थापामगरले ५० बलमा अविजित रहँदै ३९ रन जोडे । अर्जुन कुमाल भने १६ रनमा आउट भएका थिए ।
हङकङका लागि द्यानियल म्यापले १ विकृट लिए ।
त्यसअघि पहिला ब्याटिङमा उत्रिएको हङकङले ४६.३ ओभरमा अलआउट हुदै १२० रन बनाएको थियो ।
हङकङका लागि पर्थ भागवातदे ३६, मोहम्मद जाहिरले २९, अहान त्रिवेदीले ११ रन बनाउँदा अन्य ब्याटरले दोहोरो अंकमा रन बनाउन सकेनन् ।
नेपालका लागि हेमन्त धामीले ३ विकेट लिए । त्यस्तै, आकाश चन्द र सुवास भण्डारीले समान २–२ विकेट हात पार्दा दीपेश कंडेलले पनि १ विकेट लिए ।
लेखक
