भक्तपुर । स्पेनले राष्ट्रिय टोलीका मूख्य प्रशिक्षक लुइस एनरिकलाई पदबाट बर्खास्त गरेको छ ।
कतारमा जारी विश्वकपको अन्तिम १६ मा तुलनात्मक रुपमा कमजोर राष्ट्र मोरक्कोसंग पेनाल्टी सुटआउटमा पराजित भएसंगै स्पेन प्रतियोगिताबाट बाहिरिएको थियो ।
स्पेनिस फुटबल संघले बिहिवार एक विज्ञप्ती जारी गर्दै एनरिकलाई बर्खास्त गरेको कुरा सार्वजनिक गरेको हो ।
‘लुइस एनरिक र उनको प्रशिक्षण टिमलाई हामी धन्यवाद भन्न चाहन्छौं ।’ स्पेनिस फटबल संघद्वारा जारी बिज्ञप्तीमा भनिएको छ , ‘अब नयाँ परियोजना सुरु हुनेछ ।’
सन् २०१८ देखि स्पेनिस राष्ट्रिय फुटबल टोलीको नेतृत्व गरिरहेका ५२ वर्षिय एनरिकले २०२० को यूईएफए युरोकपमा स्पेनलाई सेमिफाइनलसम्मको यात्रा तय गराएका थिए ।
त्यस्तै, सन् २०२०÷२१ को यूईएफए नेसन्स लिगमा फाइनलसम्मको यात्रा तय गरेको थियो ।
उनको प्रशिक्षणमा स्पेनले ४७ खेल खेल्दा २६ मा जित, १४ खेलमा बराबरी र ७ खेलमा पराजय बेहोरेको थियो ।
लेखक
