एजेन्सी । स्पेनिस महारथीद्वय रियल मड्रिड र बार्सिलोनाले सुपरकोपा दि इस्पानाको उपाधिका लागि खेल्ने भएको छ ।
साउदी अरबियामा जारी प्रतियोगिताको सेमिफाइनल खेलहरुमा रियल मड्रिडले माल्लोर्का र बार्सिलोनाले एट्लेटिक क्लबलाई पन्छाउँदै ४० औं संस्करणको उपाधिका लागि खेल्ने पक्का गरेको हो ।
बुधवार राति भएको पहिलो सेमिफाइनल खेलमा क्याटलान क्लब बार्सिलोनाले एट्लेटिक क्लबलाई २–० ले हराउँदै फाइनल यात्रा सुनिश्चित गर्यो ।
यता, विहिवार राति भएको दोस्रो सेमिफाइनल खेलमा स्पेनिस राजधानी रियल मड्रिडले माल्लोर्कालाई ३–० ले पराजित गर्दै चिररिचित प्रतिद्वन्दीसंगको उपाधि भेट पक्का गर्यो ।
रियल मड्रिडले हालसम्म १३ सुपरकोपाको उपाधि जित्न सफल हुँदा बार्सिलोनाले भने १४ सुपरकोपाको उपाधि जितिसकेको छ ।
एल क्लासिको फाइनल भिडन्त साउदी अरबियाको किंग अब्दुल्लाह स्पोर्ट्स सिटी रंगशालामा आईतवार राति हुने तालिका रहेको छ ।
स्पेन बाहिर हुने नकआउट प्रतियोगितामा स्पेनिस शीर्ष घरेलु लिग ला लिगाको विजेता र उपविजेता तथा प्रतिष्ठित कोपा डेल रेको विजेता र उपविजेता टोली गरी कुल चार टोलीको सहभागिता हुने गर्दछ ।
लेखक
