एजेन्सी । स्पेनिस ला लिगामा बार्सिलोनाले जिरोनामाथि जित हात पारेको छ ।
सनिवार राति भएको खेलमा बार्सिलोनाले घरेलु टोलीसमेत रहेको जिरोनामाथि १–० को जित हात पारेको हो ।
म्युनिसिपल दि मोन्टीलिभी रंगशालामा भएको खेलमा पेड्रीले ६१ औं मिनेटमा एकमात्र निर्णायक गोल गरेका थिए ।
बार्सिलोनालाई १–० ले जित दिलाउन जोड्री अल्भाले पेड्रीलाई गोलका लागि अवसर सिर्जना गरिदिएका थिए ।
जितसंगै बार्सिलोनाले स्पेनिस ला लिगाको तालिकामा १८ खेलमा ४७ अंक जोडेको छ ।
बार्सिलोना एक खेल कम खेलेको चिरपरिचित प्रतिद्वन्दी रियल मड्रिडलाई ६ अंकले पछि पार्दै तालिकाको शीर्ष स्थानमा रहेको छ ।
पराजित घरेलु टोलीको १९ खेलमा २१ अंक छ । जिरोना लिगको १२ औं स्थानमा झरेको छ ।
गयराति नै सम्पन्न अन्य खेलमा रियल बेटिसले गेटाफेमाथि १–० जित रच्दा सभिल्लाले पनि इल्चमाथि ३–० को सहज जित हात पार्यो ।
यता, इस्पानियोल भने अल्मेरियासंग ३–१ ले पराजित हुँदा काडिजले मैलोरर्कामाथि २–० को जित निकाल्यो ।
लेखक
