एजेन्सी । स्पेनले १७ औं संस्करणको युईएफए युरोपियन फुटबल च्याम्पियनसिपको उपाधि जितेको छ ।
आईतवार राति भएको फाइनल खेलमा इंग्ल्याण्डमाथि २–१ को जित निकाल्दै स्पेनले युरो कपको उपाधि जितेको हो ।
स्पेनले योसंगै चारपल्ट युरोको उपाधि जित्न सफल भयो ।
यसअघि सन् १९६४, २००८ र २०१२ मा स्पेनले उपाधि उचालेको थियो ।
इंग्ल्याण्ड भने योपल्ट पनि अभागी सावित भयो ।
यसअघि गएको संस्करण पनि इंगल्याण्ड उपविजेतामै सिमित भएको थियो ।
जर्मनीको बर्लिनस्थित ओलम्पियास्टाडिअन रंगशालामा भएको रोमाञ्चक खेलमा स्पेनलाई उपाधि दिलाउन निको विलियम्स र मिकेल ओयारजाबलले गोल गरे ।
उपविजेतामा सिमित इंग्ल्याण्डका लागि भने कोल पाल्मरले एक गोल फर्काए ।
पहिलो हाफ गोलरहित बराबरीमा सकिएको खेलमा दोस्रो हाफको ४७ औं मिनेटमा लामिन यामलको पासमा विलियम्सले गोल गर्दै स्पेनलाई सुरुवाती अग्रता दियो ।
त्यसपछि खेलको ७३ औं मिनेटमा जुधे बेलिङघमको पासमा पाल्मरले गोल फर्काउँदै खेललाई १–१ को बराबरीमा ल्याए ।
तर, ८६ औं मिनेटमा मार्क कुकुरेल्लाको पासमा ओयारजाबले गोल गर्दा स्पेन २–१ ले विजयी भयो ।
लेखक
