एजेन्सी । नेस्नल लिग क्लब व्रेक्सहमलाई एफए कपको चौथौं चरणको रिप्ले खेलमा पराजित गर्दै च्याम्पियनसिप क्लब सेफिल्ड युनाइटेड इंग्लिस फुटबलको प्रतिष्ठित प्रतियोगिता एफए कपमो पाँचौं चरण प्रवेश गरेको छ ।
मंगलवार राति भएको खेलमा सेफिल्ड युनाइटेडले व्रेक्सहममाथि ३–१ को जित हात पारेको हो ।
ब्रामल लेन रंगशालामा पहिलो हाफ गोलरहित बराबरीमा सकिएको खेलमा ५० औं मिनेटमा अनेल अहमेदहोदजिकको गोलमार्फ खेलमा च्याम्पियनसिप क्लबले सुरुवाती अग्रता लिएको थियो ।
त्यसपछि ५९ औं मिनेटमा व्रेक्सहमका पाउल मुलिनले पेनाल्टीमार्फत गोल फर्काउँदा खेल १–१ को बराबरीमा आएको थियो ।
निर्धारित ९० मिनेटमा बराबरीको अवस्थामा रहेको खेलमा अतिरिक्त रुपमा थपिएको स्टपएच टाइमको ९४ औं मिनेटमा बिली सार्पले सनसनीपूर्ण गोल गर्दा खेलमा सेफिल्ड २–१ ले अघि बढ्यो ।
त्यसको २ मिनेटपछि नै सानदेर बेर्जले गोल थप्दा सेफिल्ड ३–१ ले विजयी भयो ।
सेफिल्डले अब पाँचौं चरणमा प्रिमियर लिग क्लब टोटनहमको सामना गर्नेछ ।
लेखक
