भक्तपुर । फिफा विश्वकप अन्तर्गत समूह ‘ए’ को दोस्रो खेलमा नेडरल्याण्डले सनेगलमाथि महत्वपूर्ण जित निकालेको छ ।
सोमवार अल थुमामा रंगशालामा भएको खेलमा डच टोलीले अफ्रिकी च्याम्पियन सेनेगलमाथि प्रतिस्पर्धात्मक २–० को जित निकालेको हो ।
निक्कै नै प्रतिस्पर्धात्मक खेलमा लुईस भान गालको प्रशिक्षकत्वमा रहेको डच टोलीका लागि खेलको ८४ औं मिनेटमा कोडी गाग्पोले गोल गर्दै सुरुवाती अग्रता दिलाएका थिए ।
दुबै टोलीले गोल गर्ने केहि राम्रा अवसरहरु गुमाएका थिए । खेलको इन्जुरी समयमा डभ्य क्लासेनले नेडरल्याण्डका लागि दोस्रो गोल गर्दा डच टोलीको जित पक्का गरे । जितसंगै डच टोलीले ३ अंक जोडेको छ ।
समूह ‘ए’ मा चारै टोलीले पहिलो खेल खेलिसक्दा इक्वेडर र नेडरल्याण्डले ३–३ अंक जोडेको छ । गोल अन्तरका आधारमा डच टोली समूहमा शीर्ष स्थानमा रहँदा इक्वेडर टोली दोस्रो स्थानमा छ ।
त्यस्तै, सेनेगल र आयोजक कतार विना अंक तेस्रो र अन्तिम स्थानमा रहेको छ ।
लेखक
