एजेन्सी । उपाधि रक्षा अभियानमा रहेको इंग्ल्याण्डले आईसीसी टि–२० विश्वकपअन्तर्गत सुपर ८ को पहिलो खेलमा वेस्ट इन्डिजलाई पराजित गरेको छ ।
विहिवार विहान भएको खेलमा साविक विजेता इंग्ल्याण्डले सह–आयोजक वेस्ट इन्डिजलाई ८ विकेटले पराजित गरेको हो ।
महत्वपूर्ण जितसंगै इंग्ल्याण्डले ग्रुप २ मा महत्वपूर्ण २ अंक जोड्दै समूह तालिकाको शीर्ष स्थानमा उक्लेको छ ।
वेस्ट इन्डिजको बेयाउसेजोर रंगशालामा भएको खेलमा १८१ रनको विजयी लक्ष्यका साथ जवाफी ब्याटिङमा उत्रिको इंग्ल्याण्डले १७.३ ओभरमा मात्र २ विकेट गुमाउँदै पूरा गर्यो ।
साविक विजेता टोलीको जितमा ओपनर ब्याट्सम्यान फिल साल्टले ४७ बलमा ७ चौका र ५ छक्का प्रहार गर्दै ८७ रनको अर्धशतकिय पारी खेल्दा जोनी बाइस्ट्रोले २६ बल खेल्दै ५ चौका र २ छक्का प्रहार गरेर ४८ रन जोड्दै अविजित रहे ।
त्यस्तै, अर्का ओपनर कप्तान तथा विकेटकिपर जोस बटलरले २२ बलमा २ चौका प्रहार गर्दै २५ रन जोडेर आउट हुँदा मोइन अलीले १० बल खेल्दै २ चौका प्रहार गरेर १३ रन जोड्दै पेविलियन फर्किए ।
इंग्ल्याण्डले अतिरक्त रुपमा ८ रन जोड्यो ।
वेस्ट इन्डिजका लागि एन्डे« रस्सेल र रोस्टन चेसले समान १–१ विकेट लिए ।
त्यसअघि टस हारेर पहिला ब्याटिङमा उत्रिएको वेस्ट इन्डिजले निर्धारित २० ओभरको खेलमा ४ विकेट गुमाउँदै १८० रन जोड्यो ।
घरेलु टोलीका लागि ओपनर ब्याट्सम्यान जोनसन चार्लिसले ३४ बलमा ४ चौका र १ छक्का प्रहार गर्दै ३८ रन जोड्दै आउट हुँदा विकेटकिपर निकोलास पुरनले ३२ बल खेल्दै ४ चौका र १ छक्का प्रहार गरेर ३६ रन जोड्दै पेविलियन फर्किए ।
त्यस्तै, कप्तान रोभमान पावेलले १७ बलमा ५ छक्का प्रहार गर्दै ३६ रन जोडेर आउट हुँदा शेरफाइन रुथरफोर्डले १५ बल खेल्नेक्रममा १ चौका र २ छक्का प्रहार गर्दै २८ रन जोडेर अविजित रहे ।
यता, अर्का ओपनर ब्रान्डन किंगले १३ बलमा ३ चौका र १ छक्का प्रहार गर्दै २३ रन जोडेर रिटायर्ड हर्ट हुँदै मैदानबाट बाहिरिदा आन्ड्रे रस्सेल १ रनमा पेविलियन फर्किए ।
रोमारियो शेफर्ड ५ रनमा अविजित रहे ।
वेस्ट इन्डिजले अतिरिक्त रुपमा १३ रन जोड्यो ।
इंग्ल्याण्डका लागि जोफ्रा आँचर, आदिल राशिद, मोइन अली र लैम लिभिङस्टोनले समान १–१ विकेट लिए ।
लेखक
