भक्तपुर । काठमाडौंमा जारी नेपाल टि–२० क्रिकेट लिगअन्तर्गत ९ औं खेल सुपर ओभरमार्फत निर्णय भएको छ ।
लुम्बिनी अल स्टार्सले सुपरओभरमा फार वेस्ट युनाइटेडमाथि रोमाञ्चक जित हात पारेको हो ।
निधारित २० ओभरको खेलमा दुबै टोली १३७ रनमा समेटिएपछि खेलको निर्णय सुपरओभरबाट लिइएको हो ।
लिगको पहिलो सुपर ओभरमा लुम्बिनी अल स्टार पहिला ब्याटिङ उत्रिएको थियो लाहिरु मिलन्था र शाड्ली भान शाल्बिकले लुम्बिनीको ब्याटिङ सम्हालेका थिए ।
फार वेस्टका लागि भने करण केसी बलिङमा आएका थिए । पहिलो दुई बलमा कुनै रन बनाउन नसकेता पनि तेस्रो र चौथौं बलमा लाहिरु मिलान्थाले छक्का प्रहार गरेका थिए ।
त्यसपछि पाँचौ बलमा ३ रन लिँदा अन्तिम बलमा शाड्लीले पनि ३ रन नै लियो । रह्यो । जवाफी ब्याटिङमा ओर्लिएको फार वेस्टका लागि हजमतुल्लाह शाहिदी र विनोद भण्डारीले ब्याटिङ सम्हालेका थिए ।
शाहिदीले पहिलो बलमै छक्का प्रहार गर्दै खेलमा रोमाञ्च थपे । दोस्रो बलमा रन बनाउन नसक्दा तेस्रो बलमा १ रन बनाए । चौथो बल पनि १ रन मात्र लिन सफल हुँदा फार वेस्ट दवावमा आयो ।
बाँकी दुई बलमा पनि १–१ रनमात्र जोडेपछि लिगको पहिलो सुपर ओभर लुम्बिनीले ९ रनले जित्यो ।
यसअघि क्रितिपुरस्थित टियू क्रिकेट मैदानमा लुम्बिनीले टस जित्दै फार वेस्टलाई ब्याटिङमा निम्ट्याएको थियो ।
फार वेस्टले २० ओभरमा ६ विकेटको क्षतिमा १३७ रन बनाएको थियो । फार वेस्टका लागि देव खनालले सर्वाधिक ४८ रनको योगदान गरेको थियो ।
त्यस्तै, कप्तान हसमतुल्लाह शाहिदीले ३२ रन जोडेका थिए । भिम सार्कीले १५, करन केसी अविजित रहँदै १२ जोड्दा अन्य ब्याटरहरुले खासै प्रशर्दन देखाउन सकेन ।
लुम्बिनीका लागि स्याद्ले भान शाल्बिकले २ विकेट लिँदा किशोर महतो, सागर ढकाल र हर्मित सिङले १–१ विकेट लिए ।
यता, १३८ रनको जवाफी ब्याटिङमा उत्रिएको लुम्बिनीले पनि २० ओभरको खेलमा ९ विकेट गुमाउँदै १३७ रन बनायो ।
लुम्बिनीका लागि गुल्शन झाले अविजित ३६ रनको महत्वपूर्ण योगदान गर्यो । त्यस्तै, लाहिरु मिलान्थाले ३४ रन बनाउँदा बिपुल शर्माले ३१ र अनिल साहले ९ रन जोडे ।
फार वेस्टका लागि करन केसी र शेर मल्लले २–२ विकेट लिँदा भुवन कार्की र राशिद खानले पनि १–१ विकेट लिए ।
जारी लिगमा लगातार चौथो जित निकालेको लुम्बिनी लिग तालिकाको शीर्ष स्थानमा कायमै छ ।
लेखक
