एजेन्सी । इटालियन सिरी एमा इन्टर मिलान र नापोलीले बराबरी खेलेका छन् ।
आईतवार राति भएको खेलमा साविक विजेता इन्टर मिलान र लिग लिडर नापोलीले १–१ को बराबरी खेलेका हुन् ।
मिलानको घरेलु मैदान स्टाडियो गिउसेप्पे मियाजा रंगशालामा भएको खेलको २३ औं मिनेटमा अमिर रहमानीको पासमा स्कट म्याकटोमनीले गोल गर्दै भ्रमणकारी टोली नापोलीलाई सुरुवाती अग्रता दिलाए ।
त्यसपछि ४३ औं मिनेटमा एलेस्यान्ड्रो बास्टोनीको पासमा हाकन चालहानोग्लुले इन्टरका लागि गोल फर्काउँदा खेल १–१ को बराबरीमा आयो ।
त्यसपछि दोस्रो हाफको ७४ औं मिनेटमा प्राप्त पेनाल्टी चालहानोग्लुले चुकाउँदा इन्टर अग्रता लिनबाट बञ्चित बन्यो ।
बराबरीमा खेल सकिएसंगै दुबै टोलीले अंक बाँडेका छन् ।
नापोलीले १२ खेलबाट २६ अंक जोडेर शीर्ष स्थानमा कायम रहँदा इन्टरले पनि समान १२ खेलमा २५ अंकसहित तालिकाको चौथौं स्थानमा रहेको छ ।
लेखक
