एजेन्सी । इटालियन सिरी एमा इन्टर मिलानले भेनेजियामाथि जित निकालेको छ ।
आईतवार राति भएको खेलमा साविक विजेता समेत रहेको इन्टर मिलानले तुलनात्मक रुपमा कमजोर प्रतिद्वन्दप् भेनेजियामाथि १–० को जित निकालेको हो ।
इन्टरको घरेलु मैदान स्टाडियो गिउसिप्पे मियाजा रंगशालामा भएको खेलमा घरेलु टोलीलाई जिताउन लाउटारो मार्टिनेजले निर्णायक गोल गरे ।
खेलको दोस्रो हाफको ६५ औं मिनेटमा फेडेरिको डिमार्कोको पासमा मार्टिनेजले गोल गर्दै इन्टरलाई १–० ले जिताए ।
जितसंगै इन्टरले ११ खेलमा २४ अंक जोडेर लिग तालिकाको दोस्रो स्थानमा कायम रहेको छ ।
पराजित भेनेजियाको समान ११ खेलमा ८ अंकसहित तालिकाको १८ औं स्थानमा रहेको छ ।
लेखक
