एजेन्सी । इटालियन सिरी एमा युभेन्टसले सालेरनितानामाथि सहज जित हात पारेको छ ।
मंगलवार राति भएको खेलमा युभेन्टसले सालेरनितानामाथि ३–० को सहज जित हात पारेको हो ।
सालेरनितानाको घरेलु मैदान अरेची रंगशालामा भएको खेलमा युभेन्टसका लागि दुसान भ्लाहोबिकले दुई तथा फिलिप कोस्तिकले एक गोल गरे ।
भ्लाहोबिकले खेलको २६ औं मिनेटमा पेनाल्टीमार्फत गोल गर्दै इटालियान महारथीलाई सुरुवाती अग्रता दिलाएका थिए ।
त्यसपछि ४५ औं मिनेटमा कोस्तिकले गोल गर्दा युभेन्टस पहिलो हाफमा २–० ले अघि रह्यो ।
यता, दोस्रो हाफको ४७ औं मिनेटमा भ्लाहोभिकले व्यक्तिगत रुपमा दोस्रो तथा युभेन्टसका लागि तेस्रो गोल गरे ।
त्यसपछि खेलमा थप गोल भएन र खेल भ्रमणकारी टोलीको पक्षमा ३–० ले सकियो ।
जितसंगै युभेन्टसले २१ खेलमा २६ अंक जोडेको छ । युभेन्टस सिरी एको १० औं स्थानमा उक्लिएको छ ।
यता, पराजित घरेलु टोलीको समान खेलमा २१ अंक छ । सालेरनिताना १६ औं स्थानमा झरेको छ ।
लेखक
