एजेन्सी । नापोलीले इटालियन शीर्ष लिग सिरी एअन्तर्गत खेलमा पार्मामाथि उत्कृष्ट पुनरागमन जित हासिल गरेको छ ।
सनिवार राति भएको खेलमा एक गोलले पछि परेको स्थितिलाई अन्तिम समयमा उल्त्याउँदै नापोलीले पार्मामाथि २–१ को उत्कृष्ट पुनरागमन जित हासिल गरेको हो ।
नापोलीको घरेलु मैदान डिएगो अमान्र्डो म्यारोडोना रंगशालामा भएको खेलमा नापोलीलाई जिताउन रोमेलु लुकाकु र एन्ड्रे फ्यांक जाम्बो अन्गुस्साले गोल गरे ।
पराजित टोलीका लागि भने अंगे बोनीले एक गोल गरे ।
पहिलो हाफको १९ औं मिनेटमा बोनीले पेनाल्टीमा गोल गर्दै भ्रमणकारी टोलीलाई १–० ले अघि बढाए ।
यता, दोस्रो हाफको ७५ औं मिनेटमा जियोन सुजुकीले दोहोरो पँहेलो कार्ड पाउँदा पार्मा १० खेलाडीमा समेतियो ।
जसको भरपुर फाइदा घरेलु टोलीले उठायो ।
खेलको इन्जुरी समयको दोस्रो मिनेटमा लियोनार्डो स्पिनाजोलाको पासमा लुकाकुले नापोलीका लागि डेब्यु गोल गर्दा खेल १–१ को बराबरीमा आयो ।
त्यसपछि इन्जुरी समयको छैटौं मिनेटमा डेभिड नेरेसको पासमा अन्गुस्साले सनसनी गोल थप्दा नापोली २–१ ले विजयी भयो ।
पुनरागमन जितसंगै नापोलीले तीन लिग खेलबाट ६ अंक जोडेर लिग तालिकाको चौथौं स्थानमा उक्लिएको छ ।
पराजित पार्माको भने समान तीन खेलमा चार अंकसहित तालिकाको ९ औं स्थानमा झरेको छ ।
लेखक
