एजेन्सी । इटालियन सिरी एमा युभेन्टसले जियोनामाथि सहज जित निकालेको छ ।
सनिवार राति भएको खेलमा युभेन्टसले जियोनामाथि ३–० को सहज जित निकालेको हो ।
जियोनाको घरेलु मैदान लुइगी फेरारिस रंगशालामा भएको खेलमा युभेन्टसको लागि डुसान भ्लाहोभिकले दुई गोल गर्दा फ्रान्सिस्को कनसेएकाओले एक गोल गरे ।
पहिलो हाफ गोलरहित बराबरीमा सकिएको खेलमा दोस्रो हाफको ४८ औं मिनेटमा भ्लाहोभिकले पेनाल्टीमा गोल गर्दै युभेन्टसलाई १–० ले अघि बढाए ।
त्यस्तै, दोस्रो हाफको ५५ औं मिनेटमा टिउन कोपमेनेर्सको पासमा भ्लाहोभिकले दोस्रो गोल गर्दा युभेन्टस २–० ले अघि बढाए ।
यता, खेलको अन्त्यतिर ८९ औं मिनेटमा थुरामको पासमा कनसेएकाओले गोल थप्दा युभेन्टसले ३–० ले विजयी भयो ।
सहज जितसंगै युभेन्टसले ६ खेलबाट १२ अंक जोड्दै लिग तालिकाको शीर्ष स्थानमा उक्लिएको छ ।
पराजित जियोनाको ६ खेलमा ५ अंक रहेको छ ।
लेखक
