एजेन्सी । इटालीयन सिरी ए मा इन्टर मिलान मोन्जासंग बराबरीमा रोकेको छ ।
सनिवार राति भएको खेलमा इन्टर मोन्जासंग २–२ गोलको बराबरीमा रोकेको हो ।
मोन्जाको घरेलु मैदान यु पावर रंगशालामा भएको खेलमा १० औं मिनेटमा इन्टरले अग्रता लिएको थियो । अलेस्सान्द्रो बास्टानीको पासमा माटियो डार्मिनले गोल गर्दा इन्टरले खेलमा १–०को अग्रता लिएको थियो ।
तर, त्यसको एक मिनेट पछि नै मोन्जा प्याट्रिक सिउचैयाको गालमार्फट खेलमा फर्कियो । रोमाञ्चक खेलको २२ औं मिनेटमा लाउटारो मार्टिनेजको गोलमार्फत इन्टरले पुनः खेलमा २–१ को अग्रता लियो ।
जित उन्मूख खेलको अन्तिम समयमा इन्टरका डेन्जेल दुमफ्रिजले आत्मघाती गोल गर्न पुगेपछि खेल २–२ मा पुग्यो । खेल बराबरीमा सकिएसंगै दुबै टोलीले १–१ अंक बाढेका छन् ।
सिरी एको तालिकामा इन्टरको १७ खेलमा ३४ अंक छ । इन्टर तालिकाको चौथौं स्थानमा छ । यता, मोन्जा समान खेलमा १८ अंकका साथ तालिकाको १४ स्थानमा छ ।
गयराति नै सम्पन्न अन्य खेलहरुमा युभेन्टसले उदिस्नेलाई १–० ले पराजित गरेको छ । युभेन्टसका लागि डानिलोले ८६ औं मिनेटमा एकमात्र निर्णायक गोल गरे ।
जितसंगै युभेन्टस १७ खेलमा ३७ अंक जोड्दै तालिकाको दोस्रो स्थानमा उक्लिएको छ ।
त्यस्तै, फ्लोरेन्टिनाले ससाउलोलाई २–१ ले पराजित गरेको छ । जितसंगै फ्लोरेन्टिना १७ खेलमा २३ अंक जोड्दै ९ औं स्थानमा उक्लिएको छ ।
लेखक
