एजेन्सी । पुर्व एसियाली विजेता इरान कतारमा जारी एएफसी एसियन कपको क्वाटरफाइनमा प्रवेश गरेको छ ।
बुधवार राति भएको खेलमा सिरियालाई ट्राइब्रेकरमा ५–३ ले पराजित गर्दै इरान एसियाली फुटबलको शीर्ष प्रतियोगिताको क्वाटरफाइनलमा प्रवेश गरेको हो ।
अब्दुल्लाह बिन नासेर बिन खालिफा रंगशालामा भएको खेलमा इरानको जितमा करिम अन्सरिफार्ड, रमिन रेजाइन, ओमिद इब्राहिमी, मेहदी तोराबी र इसान हजसाफीले पेनाल्टीमा गोल गरे ।
यता, सिरियाका लागि भने पाब्लो सब्बाग, अैहाम औसौउ र अला अल दालीले पेनाल्टीमा गोल गर्दा फाहद युस्सुफ भने चुक्न पुगे ।
त्यसअघि खेलको ३४ औं मिनेटमा मेहदी तेरेमीले पेनाल्टीमा गोल गर्दै इरानलाई सुरुवाती अग्रता दिलाए ।
तर, दोस्रो हाफको ६४ औं मिनेटमा सिरियाका लागि पनि ओमार खर्बिनले पेनाल्टीमार्फत् नै गोल फर्काउँदा खेल १–१ को बराबरीमा आयो ।
त्यसपछि निर्धारित ९० र अतिरिक्त ३० मिनेटमा पनि थप गोल नभएपछि खेलको निर्णय ट्राइब्रेकरबाट भयो ।
लेखक
