एजेन्सी । उपाधि दाबेदार म्यानचेस्टर सिटी इएफएल कपको क्वाटरफाइनलमा साउथह्याम्टनसंग पराजित हुँदै बाहिरिएको छ ।
बुधवार राति भएको खेलमा सिटी साउटह्याम्टनसंग २–० ले पराजित भएको हो ।
प्रिमियर लिग क्लब साउथह्याम्टनले आफ्नै मैदानमा सिटीलाई स्तब्ध पारेको हो । घरलु टोलीको जितमा मौस्सा डीजेनेपो र सेकौ माराले गोल साउटह्याम्टनले दुबै गोल पहिलो हाफमा गरेको थियो ।
खेलको २३ औं मिनेटमा ल्यान्कोको पासमा माराले गोल गर्दै घरेलु टोलीलाई सुरुवाती अग्रता दिलाएका थिए । त्यस्तै, २८ औं मिनेटमा रेमियो लाभियाको असिस्टमा मौस्साले गोल गर्दा खेल २–० को अवस्थामा पुगेको थियो ।
बलियो सिटीले दोस्रो हाफमा निरन्तर दवाव सिर्जना गरे तापनि गोल गर्न नसक्दा पराजय बेहोर्न बाध्य बन्यो ।
महत्वपूर्ण जितसंगै साउथह्याम्टनले सेमिफाइनलमा स्थान पक्का गर्यो ।
यता, गयराति नै भएको अर्को क्वाटरफाइनल खेलमा नटिङघम फोरेस्टले उल्भ्समाथि ट्राइब्रेकरमा जित निकाल्दै अन्तिम चारको यात्रा तय गरेको छ ।
कारावाओ कपअन्तर्गत द सिटी ग्राउण्डमा भएको खेलमा निर्धारित ९० मिनेटको खेल १–१ को बराबरीमा टुंगिएसंगै खेलको निर्णय पेनाल्टी सुटआउटमार्फत भएको थियो ।
खेलको १८ औं मिनेटमा विली बोलीको गोलमार्फत घरेलु टोलीले १–० को अग्रता लिएको थियो । तर, ६४ औं मिनेटमा राउल जेमिनिजले गोल फर्काउदा उल्भ्स खेलमा फर्किएको थियो ।
त्यसपछि दुबै टोलीबाट थप गोल नभएपछि खेल १–१ बराबरीमा सकिएको थियो । त्यसपछि सिधै ट्राइब्रकरमा निर्णय लिइएको थियो । जसमा घरेलु टोलीले ४–३ को जित हासिल गरेको थियो ।
अब लिग कपको सेमिफाइनलमा नटिङघम फोरेस्टले म्यानचेस्टर युनाइटेडको सामना गर्नेछ भने साउटह्याम्टनले न्युक्यासल युनाइटेडसंग प्रतिस्पर्धा गर्नेछ ।
सेमिफाइनल खेल होम एन्ड अवेका आधारमा हुनेछ । सेमिफाइनलअन्तर्गत पहिलो लेग खेल जनवरी २५ तारिखमा हुनेछ । त्यस्तै, दोस्रो लेग खेल फेब्रुअरी १ मा हुनेछ ।
लेखक
