भक्तपुर । नर्वेजियन अन्तर्राष्ट्रिय स्टाइकर इर्लिङ हालान्डले प्रिमियर लिग क्लब म्यानचेस्टर सिटीका लागि १०० गोल गर्दै नयाँ क्रीतिमान कायम गरेका छन् ।
हालान्ड जर्मन क्लब बुरुसिया डर्टमण्डबाट सिटी आएयता १०५ खेलबाट १०० गोल गर्ने पहिलो खेलाडी बनेका छन् ।
सनिवार राति प्रिमियर लिगअन्तर्गत आर्सनलविरुद्वको खेलमा हालान्डले खेल सुरु भएको ९ औं मिनेटमा साभिन्होको पासमा उक्त क्रीतिमानी गोल गरेका हुन् ।
पेप ग्वार्डिओलाको नेतृत्वमा रहेकोमा रहेको सिटीका लागि १०० गोल पुरा गर्ने हालान्ड १९ औं खेलाडी समेत बनेका छन् ।
इंग्लिस क्लब म्यानचेस्टर सिटीका लागि तेस्रो सिजन खेलिरहेका २४ वर्षिय फरवार्डले ६ खेलबाट २ ह्याट्रिकसहित १० गोल गरिसकेका छन् ।
हालान्ड प्रिमियर लिग क्लब आएदेखि लगातार दुई सिजन गोल्डेन बुट जितेका छन् ।
उनले पहिलो सिजनमा सिटीको जर्सीमा ५२ गोल दोस्रो सिजन ३८ गोल गरेका छन् ।
उनले सिटीका लागि हालसम्म ७३ गोल प्रिमियर लिगमा गरेका छन् भने १८ गोल युईएफए च्याम्पियन्स लिग, एफए कपमा ८ र इएफएल कपमा १ गोल गरेका छन् ।
उनले सिटी आएयता मात्र ११ ह्याट्रिक हानिसकेका छन् ।
जसमध्ये ८ ह्याट्रिक प्रिमियर लिगमा २ ह्याट्रिक एफए कपमा र एक ह्याट्रिक च्याम्पियन्स लिगमा हानेका छन् ।
सिटीको जर्सीमा उनले भन्दा बढी ह्याट्रिक सजिर्यो अग्वेइरोले मात्र हानेका छन् ।
अर्जेन्टिनी लेजेण्ड खेलाडीले सिटीका लागि १२ ह्यट्रिक हानेका छन् ।
अग्वेइरो सिटीका उच्च गोलकर्ता समेत हो ।
उनले सिटीका लागि ३९० खेलमा २६० गोल गरेका छन् ।
लेखक
