एजेन्सी । १९ वर्षमूनीको आईसीसी यू–१९ विश्वकप छनोटअन्तर्गत एसिया छनोटको पहिलो खेलमा नेपालले सिंगापुरमाथि ९६ रनको फराकिलो जित हात पारेको छ ।
२६२ रनको विजयी लक्ष्य पछ्याएको सिंगापुर निर्धारित ५० ओभरको खेलमा ७ विकेट गुमाउँदै १६५ रनमा समेतिएपछि नेपाले फराकिलो जित हात पारेको हो ।
युएईको इर्डेन गार्डेन ओभल क्रिकेट मैदानमा भएको खेलमा सिंगापुरका लागि आर्यन मोदीले १०० बल खेल्दै २ चौका प्रहार गर्दै सर्वाधिक ५८ रन बनाए ।
त्यस्तै, सिद्धान्त श्रीकनाथ ८० बलमा १ चौका र १ छक्कासहित ४४ रन बनाउँदै पेविलियन फर्किए । यता, अर्जुन नागपल र अभुद्य चाजेरले समान १४–१४ रन बनाए । अन्य ब्याटरले दोहोरो अंकमा रन बनाउँन सकेन ।
नेपालका हेमन्त धामी र सुवास भण्डारीले समान २–२ विकेट लिँदा विशाल विक्रम केसीले १ विकेट लिए ।
त्यसअघि टस जितेर पहिले ब्याटिङ गरेको नेपालले निर्धारित ५० ओभरको खेलमा ७ विकेट गुमाएर २ सय ६१ रन बनाएको थियो ।
नेपालका लागि आकाश त्रिपाठीले १०० बलमा ७ चौका र १ छक्कासहित सर्वाधिक ७८ रनको अर्धशतकिय पारी खेले ।
त्यस्तै विशाल विक्रम केसी ५४ बलमा ४ चौका र २ छक्कासहित ६३ रनमा अविजित रहे । अर्जुन कुमाल ३७ रन जोड्दै पेविलियन फर्किदा कप्तान देव खनाल २१ रनमा आउट भए ।
त्यस्तै, सुवास भण्डारीले अविजित १२ जोड्दा दिपक डुम्रेले १०, दिपक बोहोरा ५, मिलन बोहोराले ४ रनमा आउट भए ।
सिंगापुरका लागि आर्यभार चौधरी र अभ्युदय छन्जिरले समान २–२ विकेट लिए ।
प्रतियोगितामा नेपालसहित आयोजक यूएई, सिंगापुर, कुबेत, हङकङ र मलेसिया गरि ६ राष्ट्रको सहभागिता रहेको छ ।
लेखक
