एजेन्सी । प्रिमियर लिग प्रतिद्वन्दी ब्राइटनमाथि जित हासिल गर्दै लिभरपूल इएफएल कपको क्वाटरफाइनलमा प्रवेश गरेको छ ।
बुधवार राति भएको खेलमा ब्राइटनमाथि ३–२ को जित हासिल गर्दै साविक विजेता लिभरपूल इएफएल कपको क्वाटरफाइनलमा प्रवेश गरेको हो ।
ब्राइटनको घरेलु मैदान अमेरिकन एक्सप्रेस स्टेडियममा भएको खेलमा साविक विजेता टोलीलाई जिताउन कोडी गाक्पोले दुई गोल गर्दा लुइस डाइजले एक गोल थपे ।
घरेलु टोलीका लागि भने सिमोन अडिनग्रा र तारिक लाम्पटेले गोल फर्काए ।
पहिलो हाफ गोलरहित बराबरीमा सकिएको खेलमा दोस्रो हाफको ४६ औं मिनेटमा गोक्पोले गोल गर्दै भ्रमणकारी टोलीलाई १–० ले अघि बढाए ।
त्यसपछि ६३ औं मिनेटमा गाक्पोले व्यक्तिगत रुपमा दोस्रो गोल थप्दा साविक विजेता टोली २–० ले अघि बढ्यो ।
यता, ८१ औं मिनेटमा सिमोनले घरेलु टोलीका लागि गोल फर्काउँदा खेल २–१ को स्थितिमा आयो ।
तर, ८५ औं मिनेटमा डाइजले गोल गर्दा लिभरपूल ३–१ ले अघि बढ्यो ।
यता, खेलको अन्त्यतिर ९० औं मिनेटमा तारिखले ब्राइटनका लागि गोल फर्काए तापनि हार भने तार्न सकेन ।
लेखक
