भक्तपुर । कतारमा जारी फिफा विश्वकपको चौथौं तथा अन्तिम क्वाटरफाइनल खेलमा इंग्ल्याण्डलाई पराजित गर्दै फ्रान्स समिफाइनलमा प्रवेश गरेको छ ।
सनिवार राति अल ब्याट रंगशालामा भएको खेलमा साविक विजेता समेत रहेको फ्रान्सले उपाधि दाबेदार मानिएको इंग्ल्याण्डलाई २–१ गोलअन्तरले पराजित गर्दै अन्तिम चारको स्थान सुरक्षित गरेको हो ।
खेलको १७ औं मिनेटमा एन्टोनी ग्रिजमनको पासमा औरेलियन चोउमेनीको गोलमार्फत फ्रान्सले सुरुवाती अग्रता लिएको थियो ।
रोमाञ्चक खेलको ५४ औं मिनेटमा थ्री लायन्सका रुपमा परिचित इंग्लिस टोलीका लागि कप्तान ह्यारी केनले पेनाल्टीमा गोल गर्दै खेल १–१ को बराबरीमा ल्याए ।
फ्रान्सका डिफेन्डरले इंग्ल्याण्डका बुकायो साकालाई फाउल गरेपछि इंग्ल्याण्डले पेनाल्टी पाएको थियो ।
प्रतिस्पर्धात्मक खेलमा ओलिभर जिरुडले खेलको ७८ औं मिनेटमा गोल गर्दा फ्रान्स २–१ ले अगाडी बढ्यो ।
यता, ५४ औं मिनेटमा भिएआरको सहायतामा इंग्ल्याण्डले पेनाल्टी पाएता पनि त्यसमा केन चुक्दा इंग्ल्याण्ड क्वाटरफाइनलबाटै घर फर्कन बाध्य बन्यो ।
उपाधि रक्षा अभियानमा रहेको फ्रान्सले अब सेमिफाइनलमा अफ्रिकी राष्ट्र मोरक्कोको सामना गर्नेछ ।
लेखक
