एजेन्सी । भारतमा जारी इन्डियन प्रिमियर लिग (आईपिएल) अन्तर्गत खेलमा चेन्नेई सुपर किंग्समाथि जित निकाल्दै रोयल च्यालेन्जर्स बेङ्गलोर प्लेअफमा प्रवेश गरेको छ ।
सनिवार राति भएको आईपिएल खेलमा साविक विजेता समेत रहेको चेन्नेई सुपर किंग्समाथि २७ रनको जित निकाल्दै रोयल च्यालेन्जर्स बेङ्गलोर प्लेअफमा प्रवेश गरेको हो ।
योसंगै प्लेअफमा पुग्ने चारै टोलीको टुंगो लागेको छ ।
यसअघि नै कोलकता नाइट राइडर्स, राजस्थान रोयल्स र सनराइजर्स हैदराबाद प्लेअफमा पुगिसकेको छ ।
महत्वपूर्ण जितसंगै बेङेगलोरले १४ खेलमा ७ मा जित र ७ मा हारको नतिजा निकाल्दै १४ अंक जोडेर लिग तालिकाको चौथौं स्थानमा उक्लिएको छ ।
पराजित साविक विजेताको भने समान खेलमा समान जित र हारका साथ सामान १४ नै अंक रहेतापनि नेट रननेटका आधारमा तालिकाको पाँचौं स्थानमा रह्यो ।
बेङ्गलोरको घरेलु मैदान एम. चिन्नस्वामी रंगशालामा भएको खेलमा २१९ रनको विजयी लक्ष्य पछ्याएको चेन्न्ेई निर्धारित २० ओभरको खेलमा ७ विकेट गुमाउँदै १९१ रनमा समेतियो ।
चेन्नेईलाई नेट रननेटमा अघि रहन कम्तीमा २०१ रन चाहिएको थियो ।
तर, उक्त योगफल पनि पछ्याउन सकने ।
चेन्नेईका लागि ओपनर ब्याट्सम्यान रचिन रविन्द्रले ३७ बलमा ५ चौका र ३ छक्का प्रहार र्गै ६१ रनको अर्धशतकिय पारी खेल्दै रनआउट हुँदा रविन्द्र जडेजाले २२ बल खेल्दै ३ चौका र ३ छक्का प्रहार गर्दै ४२ रन जोडेर अविजित रहे ।
त्यस्तै, अजिन्के राहानेले २२ बलमा ३ चौका र १ छक्का प्रहार गर्दै ३३ रन जोडेर आउट हुँदा विकेटकिपर महेन्द्र सिंह धोनीले १३ बल खेल्नेक्रममा ३ चौका र १ छक्का प्रहार गर्दै २५ रन जोडेर पेविलियन फर्किए ।
यता, इम्प्याक्ट प्लेयरका रुपमा मैदानमा आएक शिभम् दुबे ७, डर्याल मिट्चेल ४, मिट्चेल सान्टेनर ३ र कप्तान रुतुराज गाइकवाद शुन्य रनमा पेविलियन फर्किए ।
शार्दुल ठाकुर १ रनमा अविजित रहे ।
चेन्नेईले अतिरिक्त रुपमा १५ रन जोड्यो ।
चेन्नेईमाथि जित निकाल्न बेङ्गलोरका लागि यश डयालले २, ग्लिन म्याक्सवेल, मोहम्मद सिराज, लोकी फगुर्शन र क्यामरन ग्रिनले समान १–१ विकेट लिए ।
त्यसअघि टस हारेर पहिला ब्याटिङमा उत्रिएको बेङ्गलोरले निर्धारित २० ओभरका ेखेलमा ५ विकेट गुमाउँदै २१८ रन जोड्यो ।
बे«ङ्गलोरका लागि कप्तान फाफ दु प्लेसिसले ३९ बलमा ३ चौका र ३ छक्का प्रहार गर्दै ५४ रनको अर्धशतकिय पारी खेल्दा विराट कोहोलीले २९ बल खेल्ै ३ चौका र ४ छक्का प्रहार गर्दै ४७ रन जोडेर पेविलियन फर्किए ।
त्यस्तै, रजत पातिदारले २३ बलमा २ चौका र ४ छक्का प्रहार गर्दै ४१ रन जोडेर पेविलियन फर्किदा क्यामरन ग्रिनले १७ बल खेल्नेक्रममा ३ चौका र ३ छक्का प्रहार गर्दै ३८ रन जोडेर अविजित रहे ।
यता, ग्लिन म्याक्सवेलले ५ बलमा २ चौका र १ छक्का प्रहार गर्दै १६ रन जोडेर आउट हुँदा विकेटकिपर दिनेश कार्तिकले ६ बलमा १ चौका र १ छक्का प्रहार गर्दै १४ रन जोडेर पेविलियन फर्किए ।
महिपाल लोमरोर भने शुन्य रनमा अविजित रहे ।
बेङ्गलोरले अतिरिक्त रुपमा ८ रन जोड्यो ।
चेन्नेईका लागि शार्दुल ठाकुरले २ विकेट लिँदा तुषार देशपाण्डे र मिट्चेल सान्टेनरले १–१ विकेट लिए ।
लेखक
