एजेन्सी । आयोजक राष्ट्र कतार एसियाली फुटबलको शीर्ष प्रतियोगिता एएफसी एसियन कपको क्वाटरफाइनलमा प्रवेश गरेको छ ।
सोमवार राति भएको खेलमा साविक विजेता समेत रहेको कतारले प्यालेस्ताइनमाथि २–१ को पुनरागमन जित रच्दै क्वाटरफाइनल प्रवेश गरेको हो ।
अल बायट रंगशालामा भएको खेलमा घरेलु टोलीको जितमा हसन अल हायदोस र अक्रम अफिफले गोल गर्दा पराजित टोलीका लागि ओदय दाब्बाघले एक गोल गरे ।
खेलको ३७ औं मिनेटमा ओदय दाब्बाघको गोलमार्फत् प्यालेस्ताइनले सुरुवाती अग्रता लियो ।
तर, पहिलो हाफको इन्जुरी समयमा अक्रम अफिफको पासमा हसन अल हायदोसले गोल फर्काउँदै खेललाई १–१ को बराबरीमा ल्याए ।
त्यसपछि दोस्रो हाफको ४९ औं मिनेटमा अक्रम अफिफले पेनाल्टीमार्फत् गोल थप्दा कतार २–१ ले विजयी भयो ।
हारसंगै प्यालेस्ताइन भने प्रतियोगिताबाट बाहिरिएको छ ।
लेखक
