एजेन्सी । इंग्लयाण्डलाई पराजित गर्दै भारत आईसीसी टि–२० विश्वकपको फाइनलमा प्रवेश गरेको छ ।
विहिवार राति भएको सेमिफाइनल खेलमा साविक विजेता इंग्लयाण्डलाई ६८ रनले पराजित गर्दै भारत टि–२० विश्वकपको फाइनलमा प्रवेश गरेको हो ।
अब भारतले उपाधिका लागि दक्षिण अफ्रिकासंग प्रतिस्पर्धा गर्नेछ ।
गुएनास्थित प्रोभिडेन्स स्टेडियममा भएको खेलमा १७२ रनको विजयी लक्ष्यका साथ जवाफी ब्याटिङमा उत्रिएको इंग्ल्याण्ड १६.४ ओभरमा अलआउट हुँदा मात्र १०३ रनमा समेतियो ।
इंग्ल्याण्डका लागि ह्यारी ब्रुकले १९ बलमा ३ चौका प्रहार गर्दै २५ रन जोड्दा कप्तान तथा विकेटकिपर जोस बटलरले १५ बल खेल्दै ४ चौका प्रहार गरेर २३ रन जोड्दै पेविलियन फर्किए ।
त्यस्तै, जोफ्रा आर्चरले १५ बलमा १ चौका र २ छक्का प्रहार गर्दै २१ रन जोडेर आउट हुँदा लैम लिभिङस्टोनले १६ बलको सामना गर्दा ११ रन जोड्दै पेविलियन फर्किए ।
यता, मोइन अली ८, फिल साल्ट ५, साम करन र अदिल रशिद २–२, क्रिस जोर्डन १ र जोनी बाइस्ट्रो शुन्य रनमा पेविलियन फर्किदा रेस टोप्ले ३ रनमा अविजित रहे ।
इंग्ल्याण्डले अतिरिक्त रुपमा २ रन जोड्यो ।
साविक विजेतालाई धराशायी गर्दै अलआउट गर्न भारतका लागि कुलदिप यादव र अक्षर पटेलले समान ३–३ विकेट लिँदा जसप्रित बुमराहले २ विकेट लिए ।
त्यसअघि वर्षाले ढिलो गरि सुरु भएको खेलमा टस हारेर पहिला ब्याटिङमा उत्रिएको भारतले निर्धारित २० ओभरको खेलमा ७ विकेट गुमाउँदै १७१ रन जोड्यो ।
भारतका लागि कप्तान रोहित शर्माले ३९ बलमा ६ चौका र २ छक्का प्रहार गर्दै ५७ रनको अर्धशतकिय पारी खेल्दा सुर्यकुमार यादवले ३६ बल खेलदै ४ चौका र २ छक्का प्रहार गर्दै ४७ रन जोडेर पेविलियन फर्किए ।
त्यस्तै, हार्दिक पाण्डेयाले १३ बलमा १ चौका र २ छक्का प्रहार गर्दै २३ रन जोडेर आउट हुँदा रविन्द्र जडेजाले ९ बलमा २ चौका प्रहार गर्दै १७ रन जोडेर अविजित रहे ।
यता, अक्षर पटेलले ६ बलमा १ छक्का प्रहार गर्दै १० रन जोडेर आउट हुँदा विराट कोहोली ९, विकेटकिपर रिशभ पन्त ४ र शिभम् दुबे शुन्य रनमा पेविलियन फर्किदा अर्शदिप सिंह १ रनमा अविजित रहे ।
भारतले अतिरिक्त रुपमा ३ रन जोड्यो ।
इंग्ल्याण्डका लागि क्रिस जोर्डनले ३ विकेट लिँदा रेस टोप्ले, जोफ्रा आर्चर, साम करन र अदिल रशिदले १–१ विकेट लिए ।
लेखक
