भक्तपुर । सातौं संस्करणको साफ महिला च्याम्पियनसिपको उपाधिका लागि नेपाल र बंगलादेश आमनेसामने हुने भएको छ ।
बुधवार साँझ हुने फाइनल खेलका लागि साविक विजेता बंगलादेश र साविक उपविजेता नेपाल आमनेसामने हुने भएको हो ।
काठमाडौंको त्रिपुरेश्वरस्थित दशरथ रंगशालामा हुने फाइनल खेल साँझको ५ः३० मा सुरु हुने तालिका रहेको छ ।
नेपालले आईतवार भएको सेमिफाइनलमा चिरपरिचित प्रतिद्वन्दी भारतलाई तनावपूर्ण खेलमा ट्राइब्रेकरमा ४–२ ले पराजित गर्दै फाइनल यात्रा तय गरेको थियो ।
यता, बंगलादेशले भने भुटानलाई एकपक्षिय रुपमा ७–१ को फराकिलो गोलअन्तरको जित निकाल्दै फाइनल स्थान सुरक्षित गरेको थियो ।
काठमौडौंमै भएको गत संस्करणको फाइनल खेलमा घरेलु टोली नेपाललाई बंगलादेशले ३–१ गोलअन्तरले स्तध पार्दै ऐतिहासिक उपाधि जितेको थियो ।
बंगलादेश पुनः सोहि नतिजालाई निरन्तरता दिँदै उपाधि रक्षा गर्ने प्रयासमा हुनेछ ।
यता, नेपालले भने गत संस्करणको हारको बदला लिँदै दक्षिण एसियाली शीर्ष उपाधि घरमै राख्ने लक्ष्यसहित मैदान उत्रिने तयारीमा छ ।
लेखक
