भक्तपुर । सहिद स्मारक ‘ए’ डिभिजन लिगअन्तर्गत आजको दोस्रो खेलमा सातदोबाटो युवा क्लबमाथि महत्वपूर्ण जित निकाल्दै थ्रीस्टार क्लबले जित हात पारेको छ ।
सोमवार भएको खेलमा नेपाली फुटबलको चर्चित टोली थ्रीस्टार क्लबले सातदोबाटो युवा क्लबमाथि १–० को महत्वपूर्ण जित हाच पारेको हो ।
त्रिपुरेश्वरस्थित दशरथ रंगशालामा भएको ललितपुर डर्बीमा खेलको ८८ औं मिनेटमा आदित्य शाक्यले गरेको एकमात्र गोल निर्णायक बनेको हो ।
जितसंगै थ्रीस्टारले ४ खेलमा ७ अंक जोड्दै लिग तालिकाको चौथौं स्थानमा उक्लेको छ । पराजित सातदोबाटोको ४ खेलमा ९ अंक छ । सातदोबाटो तालिकाको दोस्रो स्थानमा यथावत छ ।
यसअघि च्यासल मैदानमा सोमबार नै भएको खेलमा एफसी खुमलटारले हिमालयन शेर्पा क्लबलाई २–१ ले पराजित गरेको थियो ।
खुमलटारको जितमा मनिष थापा र स्टेफन समिरले गोल गर्दा हिमालयन शेर्पाका लागि विश्वास श्रेष्ठले एक गोल फर्काए ।
नवप्रवेशी खुमलटारको ४ खेलमा ६ अंक भएको छ । खेमलटार लिग तालिकाको पाँचौ स्थानमा उक्लिदा पराजित हिमालयन शेर्पाले ४ खेलमा ४ अंक जोड्दै तालिकाको ९ औं स्थानमा झरेको छ ।
लेखक
