एजेन्सी । अल नासेरले साउदी प्रो लिगअन्तर्गत खेलमा अल फाटेहमाथि जित निकालेको छ ।
सनिवार राति भएको खेलमा अल नासेरले अल फाटेहमाथि २–१ को जित निकालेको हो ।
नासेरको घरेलु मैदान अल अवाल पार्क एट किंग साउद युनिभर्सिटी रंगशालामा भएको खेलमा घरेलु टोलीको जितमा कप्तान क्रिस्चियानो रोनाल्डो र ओटाभियोले गोल गरे ।
पराजित टोलीका लागि सलिम अल नाज्दीले एक गोल फर्काए ।
खेल सुरु भएको १७ औं मिनेटमा सुल्टान अल घनामको असिस्टमा रोनाल्डोले गोल गर्दै घरेलु टोलीलाई सुरुवाती अग्रता दिलाए ।
तर, २९ औं मिनेटमा सलिमले भ्रमणकारी टोलीका लागि गोल फर्काउँदा खेल १–१ को बराबरीमा आयो ।
यता, दोस्रो हाफको ७२ औं मिनेटमा सुल्टानकै पासमा ओटाभियोले गोल थप्दा अल नासेर २–१ ले विजयी भयो ।
महत्वपूर्ण जितसंगै अल नासेरले २० खेलमा ४९ अंक जोड्दै लिग तालिकाको दोस्रो स्थानमा कायम रहेको छ ।
पराजित अल फाटेहको समान २० खेलमा २९ अंकसहित तालिकाको सातौं स्थानमा रहेको छ ।
लेखक
