एजेन्सी । क्रिस्चियानो रोनाल्डोको कप्तानीमा रहेको अल नासेरले साउदी प्रोफेस्नल लिगमा फराकिलो जित निकालेको छ ।
मंगलवार राति भएको खेलमा उपाधि होडमा रहेको अल नासेरले रेलिगेशनबाट जोगिन संघर्षरत अभामाथि ८–० को फराकिलो जित निकालेको हो ।
अभाको घरेलु मैदान प्रिन्स सुल्तान बिन अब्दुलाजिज स्पार्ट्स सिटी रंगशालामा भएको खेलमा अल नासेरको एकतर्फी जितमा रोनाल्डोले ह्याट्रिक हान्दा अब्दुलाजिज अल इलेवाईले दुई, साडियो माने, अब्दुलमाजिद अल सुल्याहिम र अब्दुलरहमान घरिबले समान एक–एक गोल गरे ।
खेल सुरु भएको ११ औं मिनेटमा रोनाल्डोले गोल गर्दै भ्रमणकारी टोलीलाई सुरुवाती अग्रता दिलाए ।
त्यसपछि २१ औं मिनेटमा रोनाल्डोले व्यक्तिगत रुपमा दोस्रो गोल थप्दा अल नासेर २–० ले अघि बढ्यो ।
यता, ३३ औं मिनेटमा मानेले गोल गर्दा अल नासेर ३–० ले अघि बढ्यो ।
त्यस्तै, ४२ औं मिनेटमा रोनाल्डोले व्यक्तिगत रुपमा ह्याट्रिक प्रहार गर्दा अल नासेर ४–० ले अघि बढ्यो ।
त्यसको दुई मिनेटपछि नै सुल्याहिमले गोल थप्दा अल नासेर पहिलो हाफसम्म ५–० ले अघि बढ्यो ।
दोस्रो हाफको ५१ औं मिनेटमा ओटाभियोको पासमा घरिबले गोल गर्दा अल नासेर ६–० ले अघि बढ्यो ।
त्यस्तै, ६३ औं मिनेटमा इलेवाईले गोल गर्दा अल नासेर ७–० ले अघि लम्कियो ।
यता, ८६ औं मिनेटमा इलेवाईले व्यक्तिगत रुपमा दोस्रो गोल थप्दा अल नासेरले खेल एकतर्फी रुपमा ८–० को फराकिलो गोलअन्तरले जित्यो ।
फराकिलो जितसंगै अल नासेरले २६ लिग खेलमा ६२ अंक जोड्दै तालिकाको दोस्रो स्थानमा कायम रहेको छ ।
पराजित अभाको समान २६ खेलमा २२ अंकसहित पुच्छारबाट दोस्रो स्थानमा रहेको छ ।
लेखक
