एजेन्सी । साउदी प्रोफेस्नल लिगमा अल नासेर र अल हिलालले बराबरी खेलेका छन् ।
शुक्रवार राति भएको हेभिवेट खेलमा अल नासेर र अल हिलालले १–१ को बराबरी खेलेका हुन् ।
अल नासेरको घरेलु मैदान अल आवाल पार्क एट किंग साउद युनिभर्सिटी रंगशालामा भएको खेलमा घरेलु टोलीका लागि टालिस्का र भ्रमणकारी टोलीका लागि सर्जेज मिलिनकोभिक साभिकले गोल गरे ।
खेल सुरु भएको पहिलो मिनेटमै ओटाभियोको पासमा टालिस्काले गोल गर्दै घरेलु टोलीलाई सुरुवाती अग्रता दिलाए ।
तर, दोस्रो हाफको ७७ औं मिनेटमा रेनान लोडीको पासमा साभिकले अल हिलालका लागि गोल फर्काउँदा खेल १–१ को बराबरीमा आयो ।
त्यसपछि खेलमा थप गोल निस्किएन ।
बराबरीसंगै दुबै टोलीले एक–एक अंक बाँडेका छन् ।
लिग तालिकाको शीर्ष स्थानमा रहेको अल हिलालको ९ खेलमा २५ अंक भएको छ ।
समान ९ खेलमा १९ अंकसहित अल नासेरले तालिकाको तेस्रो स्थानमा रहेको छ ।
लेखक
