एजेन्सी । अल नासेर साउदी प्रोफेस्नल लिगको पहिलो खेलमा अल राडसंग बराबरीमा रोकिएको छ ।
विहिवार राति भएको सिजनको पहिलो खेलमा क्रिस्चियानो रोनाल्डोको कप्तानीमा रहेको अल नासेर अल राडसंग १–१ गोलको बराबरीमा रोकिएको हो ।
अल नासेरको घरेलु मैदान अल अवाल पार्क एट किंग साउद युनिभर्सिटी रंगशालामा भएको खेलमा घरेलु टोलीका लागि रोनाल्डोले गोल गर्दा भ्रमणकारी टोलीका लागि मोहम्मेद फौजैरले गोल फर्काए ।
पहिलो हाफको ३४ औं मिनेटमा साडियो मानेको पासमा रोनाल्डोले गोल गर्दै अल नासेरलाई सुरुवाती अग्रता दिलाए ।
तर, दोस्रो हाफको ४९ औं मिनेटमा राडका लागि फौजैरले पेनाल्टीमार्फत् गोल फर्काउँदै खेललाई १–१ को बराबरीमा ल्याए ।
यता, खेलको ७८ औं मिनेटमा रोनाल्डोले गरेको गोल भिएआरले मान्यता नदिँदा खेल १–१ को बराबरीमा सकियो ।
बराबरीसंगै दुबै टोलीले एक–एक अंक बाँडेका छन् ।
लेखक
