एजेन्सी । आर्सनलले प्रिमियर लिगमा साउथह्याम्टनलाई हराएको छ ।
सनिवार राति भएको खेलमा बलियो आर्सनलले तुलनात्मक रुपमा कमजोर प्रतिद्वन्दी साउथह्याम्टनलाई ३–१ गोलअन्तरले हराएको हो ।
गर्नसका रुपमा समेत चिनिने आर्सनलको घरेलु मैदान इमिरेट्स रंगशालामा भएको खेलमा घरेलु टोलीलाई जिताउन बुकायो साकाले उत्कृष्ट प्रदर्शन गरे ।
एक गोलले पछि परेको आर्सनललाई जिताउन साकाले एक गोल गर्नुका साथै दुई गोलका लागि असिस्ट प्रदान गरे ।
पहिलो हाफ गोलरहित बराबरीमा सकिएको खेलमा दोस्रो हाफको ५५ औं मिनेटमा माटेउ फर्नान्डेजको पासमा क्यामेरन आर्चरको गोलमार्फत् भ्रमणकारी टोलीले १–० को अग्रता लियो ।
त्यसको तीन मिनेटपछि नै साकाको पासमा काइ हाभार्टेजले गोल फर्काउँदा खेल १–१ को बराबरीमा आयो ।
त्यस्तै, ६८ औं मिनेटमा साकाकै असिस्टमा ग्राबियल मर्टेनेलीले गोल थप्दा गर्नस २–१ ले अघि बढ्यो ।
यता, खेलको अन्त्यतिर ८८ औं मिनेटमा साकाले गोल गर्दा आर्सनल ३–१ ले विजयी भयो ।
सहज पुनरागमन जितसंगै आर्सनलले ७ लिग खेल खेलिसक्दा १७ अंक जोडेर तालिकाको तेस्रो स्थानमा रहेको छ ।
पराजित साउथह्याम्टनको भने समान ७ खेलमा १ अंकसहित तालिकाको १९ औं स्थानमा रहेको छ ।
लेखक
