एजेन्सी । जर्मनीमा जारी युरो कपअन्तर्गत समूह ‘सी’ का खेलहरु सम्पन्न भएका छन् ।
मंगलवार राति भएको कोलोग्ने रंगशालामा भएको खेलमा बलियो इंग्ल्याण्ड स्लोभेनियासंग गोलरहित बराबरीमा रोकिएको छ ।
बराबरीमा रोकिएपनि इंग्ल्याण्डले समूह चरणका ३ खेलबाट १ मा जित र २ मा बराबरी खेल्दै ५ अंक जोडेर समूह विजेता बन्यो ।
स्लोभेनियाले भने ३ खेल खेल्दा ३ खेल नै बराबरी खेल्दै ३ अंक जोडेर तालिकाको तेस्रो स्थानमा रह्यो ।
यता, सोहि समूहको अर्को खेल फुटबल एरिना मुनचेन रंगशालामा डेनमार्क र सर्बियाबीच भयो ।
उक्त खेल पनि गोलरहित बराबरीमा सकियो ।
बराबरीसंगै डेनमार्कले पनि ३ खेलबाट ३ अंक जोडेको छ ।
डेनमार्क समूह तालिकाको दोस्रोमा रह्यो ।
उता, सर्बियाले भने ३ खेलबाट २ मा बराबरी र १ मा हारको नतिजा आत्मसाथ गर्दै २ अंक जोडेर समूहको पुच्छारमा रह्यो ।
यो समूहबाट इंग्ल्याण्ड विजेता र डेनमार्क उपविजेताका रुपमा अन्तिम १६ मा प्रवेश गर्दा स्लोभेनियाको पनि अन्तिम १६ मा प्रवेश गर्ने सम्भावना कायमै छ ।
लेखक
