भक्तपुर । फिफा विश्वकप अन्तर्गत क्यानडामाथि जित हात पार्दै मोरोक्को अन्तिम १६ मा प्रवेश गरेको छ ।
विहिवार भएको समूह ‘एफ’ को अन्तिम खेलमा उत्तर अफ्रिकी राष्ट्र मोरक्कोले क्यानेडामाथि २–१ को जित हात पार्दै जारी विश्वकपमा दोस्रो चरणको स्थान पक्का गरेको हो ।
अल थुमामा रंगशालामा मोरक्कोको जितमा हाकिम जियाच र योसेफ इन नस्रीले गोल गरे । उता क्यानडाका लागि मोरोक्कोले एक गोल उपहार दिए ।
रोमाञ्चक खेलको चौथौं मिनेटमा जियाचले गोल गर्दै मोरोक्कोलागि सुरुवाती अग्रता दिएका थिए ।
खेलको २३ औं मिनेटमा नेस्रीले गोल गर्दा मोरक्को २–० को सहज अवस्थामा पुगेका थिए । तर खेलको ४० औं मिनेटमा मोरोक्कोका डिफेन्डर नायफ अग्वेर्डले आत्मघाती गोल गर्न पुगे ।
पहिलो हाफ २–१ ले मोरक्कोको पक्षमा सकिएको खेलमा दोस्रो हाफमा दुवै टोलीले केहि राम्रा अवसर सिर्जना गरे पनि थप गोल भने निस्किएन र खेल मोरक्कोले जित्यो ।
जितसंगै अंकतालिकामा मोरक्कोले ७ अंक जोडेको छ । मोरोक्को दुई खेलमा जित र एक खेलमा बराबरीका साथ अन्तिम १६ मा प्रवेश गरेको छ ।
लेखक
