भक्तपुर । फिफा विश्वकपको समूह ‘इ’ बाट जापान र स्पेन दोस्रो चरण प्रवेश गरेको छ ।
विहिवार राति एसियाली राष्ट्र जापानले बलियो स्पेनमाथि रोमाञ्चक २–१ को जित निकालेसंगै जापान समूह विजेता समेत बन्यो ।
खालिफा अन्तिराष्ट्रिय रंगशालामा भएको खेलमा युरोपेली राष्ट्र स्पेनले खेलको ११ औं मिनेटमा अल्भारो मोराटाको गोलमार्फत अग्रता बनाएको थियो ।
दोसो हाफको ४८ औं मिनेटमा जापानले बराबरी गर्यो । जापानका लागि कौरु मितोमाले गोल गर्दै खेल १–१ को बराबरीमा ल्याए ।
लगत्तै ५१ औं मिनेटमा अओ तानाकाले गोल गर्दा एसियाली पावरहाउस मानिएको जापान खेलमा २–१ ले अगाडी बढ्यो । त्यसपछि दुबै टोलीबाट थप गोल निस्किएन र खेल जापानले जित्यो ।
महत्वपूर्ण जितसंगै जापानको ३ खेलमा ६ अंक रहँदा समूह् विजेता समेत बन्यो । उता पराजित स्पेन उपविजेताका रुपमा अघिल्लो चरण प्रवेश गर्यो ।
गयराति नै अल ब्याट रंगशालामा भएको यसै समूहको अर्को खेलमा जर्मनीले कोस्टारिकामाथि ४–२ को जित हात पार्यो ।
जर्मनीका लागि सर्जेइ ग्नाब्रीले खेलको १० औं मिनेटमा गोल गर्दै सुरुवाती अग्रता दिलाएक थिए । तर, ५८ औं मिनेटमा यल्टसिन तेजेदाले गोल गर्दै खेल बराबरीमा ल्याए ।
७० औं मिनेटमा जर्मनीका गोलकिपर म्यानुएल निउरले आत्मघाती गोल गर्न पुगेपछि कोस्टारिका २–१ ले अघि बढ्यो ।
त्यसको ३ मिनेट पछि नै जर्मनी खेलमा फर्कियो । काइ हार्भाटेजले गोल गोल गर्दै खेल २–२ को बराबरीमा ल्यायो ।
८५ औं मिनेटमा हार्भाटेजले नै गोल गर्दा जर्मनी ३–२ ले अघि बढ्यो । त्यसपछि ८९ औं मिनेटमा निक्लास फुलक्रुङले गोल गर्दा जर्मनी ४–२ ले विजयी रह्यो ।
समूह चरणको अन्तिम खेलमा जित हात पारेको जर्मनीको ३ खेलमा ४ अंक रह्यो स्पेनको पनि समान ४ अंक नै भएता पनि गोल अन्तरका आधारमा जर्मनी समूह चरणबाटै बाहिरियो । उता पराजित कोस्टारिकाको ३ अंक रह्यो ।
लेखक
