एजेन्सी । स्पेनिस ला लिगाअन्तर्गत खेलमा एट्लेटिको मड्रिडले सेभिल्लामाथि गोलको वर्षा गर्दै फराकिलो जित हात पारेको छ ।
सनिवार राति भएको खेलमा एट्लेटिको मड्रिडले सेभिल्लामाथि ६–१ को फराकिलो जित हात पारेको हो ।
एट्लेटिकोका लागि मेम्फिस डिपेले २, अल्भारो मोराटाले २ तथा एन्टोनी ग्रिजमन र यानिक कार्रास्कोले १–१ गोल गरे । यता, सेभिल्लाका लागि योसेफ इन नेस्रीले सान्तोना गोल फर्काए ।
एट्लेटिकोको घरेलु मैदान सिभितास मेट्रोपोलिटानो रंगशालामा भएको खेलमा २३ औं मिनेटमा मेम्फिसले गोल गर्दै घरेलु टोलीलाई सुरुवाती अग्रता दिलाएका थिए ।
२६ औं मिनेटमा मेम्फिसले नै व्यक्तिगत रुपमा दोस्रो गोल गर्दा खेलमा एट्लेटिको २–० ले अघि बढ्यो ।
त्यसपछि ३९ औं मिनेटमा योसुफले गोल फर्काउँदा पहिलो हाफसम्म खेल २–१ को स्थितिमा रह्यो ।
दोस्रो हाफको ५३ औं मिनेटमा ग्रिजमनले गोल गर्दै खेल ३–१ को अवस्थामा पु¥याए ।
त्यस्तै, ६९ औं मिनेटमा कारास्कोले गोल थप्दा एट्लेटिको ४–१ ले अघि बढ्यो सेभिल्लाले ७४ औं मिनेटमा पेनाल्टी पाएतापनि इभान राकिटिक चुक्दा गोल फर्काउने अवसर चुकायो ।
त्यसको २ मिनेटपछि नै परिर्वतित खेलाडीका रुपमा मैदान छिरेका अर्भारो मोराटाले गोल गर्दा खेलमा घरेलु टोली ५–१ ले अघि बढ्यो ।
लगत्तै ८० औं मिनेटमा पेपे गुएइले दोहोरो पहेलो कार्ड पाउँदै मैदान छोड्दा सेभिल्ला १० खेलाडीमा समेतियो ।
त्यसपछि निर्धारित ९० मिनेटको समयपटि थपिएको अतिरिक्त समयको दोस्रो मिनेटमा मोराटाले व्यक्तिगत रुपमा दोस्रो गोल गर्दा एट्लेटिको ६–१ को फराकिलो जित दर्ता गर्न सफल भयो ।
जितसंगै एट्लेटिकोको २४ खेलमा ४५ अंक भएको छ । एट्लेटिको ला लिगाको तेस्रो स्थानमा उक्लिएको छ ।
यता, पराजित सेभिल्लाको २४ खेलमा २५ अंक छ । सेभिल्ला तालिकाको १६ औं स्थानमा झरेको छ ।
ला लिगाअन्तर्गत नै गयराति सम्पन्न अन्य खेलहरुमा इल्चले मार्लोकामाथि १–० को जित निकाल्दा अल्मेरिया भिल्लारियलसंग २–० ले पराजित रह्यो ।
यता, गेताफेले जिरोनामाथि ३–२ को जित निकाल्दा रियल सोसिडाड र काडिजले गोलरहित बराबरी खेले ।
लेखक
