भक्तपुर । नेपाली राष्ट्रिय क्रिकेट टोलीका स्टार क्रिकेटर सन्दिप लामिछानेलाई जिल्ला अदालत काठमाडौंले बलात्कार आरोपमा दोषी ठहर गरेको छ ।
शुक्रवार साँझ जिल्ला अदालत काठमाडौंले स्टार क्रिकेटर सन्दिप लामिछानेलाई बलात्कार आरोपमा दोषी ठहर गरेको हो ।
जिल्ला न्यायधीश शिशिरराज ढकालको इजलासले मुलुकी फौजदारी अपराध संहिता २०७४ को २१९ (ङ) अनुसार सजाय गर्ने फैसला गरेको हो ।
लामिछानेको सजाय निर्धारणका लागि पुष २५ गते पेशी तोकेको छ ।
कानुन अनुसार लामिछानेलाई ७ देखि १० वर्षसम्म कैदको सजाय हुन सक्ने जनाइएको छ ।
लामिछानेले फैसला उपर पुनरावेदन भने दिन सक्नेछ ।
अदालतले घटना भएको बेला पिडित गौशाला २६ नाबालिक भने नरहेको फैसला गरेको छ ।
तर, कमजोर नाजुक अवस्थाको फाइदा उठाउँदै लामिछानेले जबर्जस्ती करणी गरेको अदालतले ठहर गरेको छ ।
नेपाली क्रिकेटका सर्वाधिक सफल खेलाडी लामिछानेविरुद्व जबर्जस्ती करणी गरेको आरोपमा २०७९ भदौ ५ गते प्रहरीमा जाहेरी परेको थियो ।
लेखक
