एजेन्सी । बलियो भारतलाई पराजित गर्दै श्रीलंकाले एकदिवसिय अन्तर्राष्ट्रिय (आडिआई) सिरिज जितेको छ ।
बुधवार भएको ओडिआई सिरिजअन्तर्गत तेस्रो तथा अन्तिम खेलमा भारतलाई ११० रनले पराजित गर्दै श्रीलंकाले सिरिज जितेको हो ।
तीन खेलको सिरिजमा श्रीलंकाले दुई खेल जित्दा एक खेल बराबर खेल्यो ।
गौतम गम्भिरको प्रशिक्षकत्वमा भारतको भने यो पहिलो सिरिजमा बेहोरेको हार रह्यो ।
श्रीलंकाको कोलम्बोस्थित आर. प्रेमादासा अन्तर्राष्ट्रिय क्रिकेट रंगशालामा भएको खेलमा २४९ रनको विजयी लक्ष्य पछ्याएको भारत २६.१ ओभरमा अलआउट हुँदा मात्र १३८ रनमा समेतियो ।
भारतका लागि कप्तान रोहित शर्माले २० बलमा ६ चौका र १ छक्का प्रहार गर्दै ३५ रन जोड्दै आउट हुँदा वासिङटन सुन्दरले २५ बल खेल्नेक्रममा २ चौका र ३ छक्का प्रहार गर्दै ३० रन जोडेर पेविलियन फकिए ।
त्यस्तै, विराट कोहोलीले १८ बलमा ४ चौका प्रहार गर्दै २० रन जोडेर आउट हुँदा रियान परागले १३ बल खेल्दै २ चौका प्रहार गर्दै १५ रन जोडेर पेविलियन फर्किए ।
यता, शिभम् दुवे ९, श्रेयस ऐयर ८, सुभमन गिल, विकेटकिपर रिशभ पन्त र कुलदिप यादव समान ६–६ र अक्षर पटेल २ रनमा पेविलियन फर्किदा मोहम्मद सिराज शुन्य रनमा अविजित रहे ।
भारतले अतिरिक्त रुपमा १ रन जोड्यो ।
भारतलाई सस्तैमा अलआउट गर्दै सहज जित हासिल गर्न घरेलु टोलीका लागि दुनिथ वेल्लालागेले ५.१ ओभर बलिङ गर्दै २७ रन दिएर सर्वाधिक ५ विकेट लिए ।
त्यस्तै, महेश थिकशाना र जेफ्री भानदेरसेले २–२ विकेट लिँदा अशिथा फेर्नान्डोले १ विकेट लिए ।
त्यसअघि टस जितेर पहिला ब्याटिङमा उत्रिएको श्रीलंकाले निर्धारित २० ओभरको खेलमा ७ विकेट गुमाउँदै २४८ रन जोड्यो ।
श्रीलंकाका लागि अभिषका फेर्नान्डोले १०२ बलमा ९ चौका र २ छक्का प्रहार गर्दै सर्वाधिक ९६ रनको शतक नजिक पारी खेल्दा विकेटकिपर कुशल मेन्डिसले ८२ बल खेल्नेक्रममा ४ चौका प्रहार गरेर ५९ रनको अर्धशतकिय पारी खेल्दै पेविलियन फर्किए ।
त्यस्तै, पाथुम निस्संकाले ६५ बलमा ५ चौका र २ छक्का प्रहार गर्दै ४५ रन जोडेर आउट हुँदा कामिन्दु मेन्डिसले १९ बल खेल्नेक्रममा १ छक्का प्रहार गर्दै २३ रन जोडेर अविजित रहे ।
यता, कप्तान चरिथ असलंकाले १२ बलमा १ छक्का प्रहार गर्दै १० रन जोडेर आउट हुँदा जनिथ लियानागे ८, दुनिथ वेल्लालागे २ र सदिरा समराविक्रमा शुन्य रनमा पेविलियन फर्किए ।
महेश थिकशाना भने ३ रनमा अविजित रहे ।
श्रीलंकाले अतिरिक्त रुपमा २ रन जोड्यो ।
भारतका लागि रियान परागले ९ ओभर बलिङ गर्दा ५४ रन खर्चिएर ३ विकेट लिँदा मोहम्मद सिराज, अक्षर पटेल, वासिङटन सुन्दर र कुलदिप यादवले समान १–१ विकेट लिए ।
लेखक
