एजेन्सी । वेस्ट इन्डिजलाई हराउँदै न्युजिल्याण्ड आईसीसी महिला टि–२० विश्वकपको फाइनलमा प्रवेश गरेको छ ।
शुक्रवार राति भएको सेमिफाइनल खेलमा वेस्ट इन्डिजलाई ८ रनले हराउँदै न्युजिल्याण्ड विश्वकपको फाइनलमा प्रवेश गरेको हो ।
योसंगै उपाधिका लागि फाइनल खेलमा न्युजिल्याण्डले साविक उपविजेता समेत रहेको दक्षिण अफ्रिकासंग खेल्ने पक्का भएको छ ।
युएईको सारजाहस्थित सारजाह क्रिकेट रंगशालामा भएको खेलमा १२९ रनको विजयी लक्ष्य पछ्याएको वेस्ट इन्डिज निर्धारित २० ओभरको खेल खेल्नेक्रममा ८ विकेट गुमाएर मात्र १२० रनमा समेतियो ।
वेस्ट इन्डिजका लागि डियन्ड्र डोटिनले २२ बलमा ३ छक्का प्रहार गर्दै ३३ रन जोड्दा अफे फ्लेट्चरले १५ बल खेल्दै १ चौका प्रहार गरेर १७ रन जोडेर अविजित रहिन् ।
त्यस्तै, जैदा जेम्सले ८ बलमा २ चौका प्रहार गर्दै १४ रन जोडेर आउट हुँदा स्टाफाइन टेलरले २० बल खेल्नेक्रममा १ चौका मद्दतमा १३ रन जोड्दै पेविलियन फर्किन् ।
यता, कप्तान तथा ओपनर ब्याटर हेले म्याथ्युजले २१ बलमा २ चौका प्रहार गर्दै १५ रन जोडेर आउट हुँदा अर्का ओपनर क्वाना जोसेफले १२ बल खेल्नेक्रममा २ चौका प्रहार गर्दै १२ रन जोडेर पेविलियन फर्किन् ।
अस्मिनी मुनिसार १ रनमा अविजित रहँदा आलिया अलेन ४, विकेटकिपर शेमाइन क्याम्पबेल ३ र चेडिन नेसन शुन्य रनमा पेविलियन फर्किन् ।
वेस्ट इन्डिजले अतिरिक्त रुपमा ८ रन जोड्यो ।
न्युजिल्याण्डलाई फाइनलमा पु¥याउन इडेन कार्सनले ३ विकेट लिँदा एमेलिया केरले २, फ्रन जोनास, लिया टहुहु र सुजी बेटिसले समान १–१ विकेट लिइन् ।
त्यसअघि टस जितेर पहिला ब्याटिङमा उत्रिएको न्युजिल्याण्डले निर्धारित २० ओभरको खेलमा ९ विकेट गुमाएर १२८ रन जोड्यो ।
न्युजिल्याण्डका लागि ओपनर ब्याटर जर्जिया प्लिमरले ३१ बलमा ३ चौका र १ छक्का प्रहार गर्दै ३३ रन जोडेर आउट हुँदा अर्का ओपनर सुजी बेटिसले २८ बल खेल्नेक्रममा १ चौका प्रहार गर्दै २६ रन जोडेर पेविलियन फर्किन् ।
त्यस्तै, इजे गेजले १४ बलमा २ चौका प्रहार गर्दै २० रन जोडेर अविजित रहँदा ब्रुक हलिडेले ९ बल खेल्दै २ चौका प्रहार गरेर १८ रन जोड्दै पेविलियन फर्किन् ।
यता, कप्तान सोफी डेभाइनले १२ बलमा १ चौका प्रहार गर्दै १२ रन जोडेर आउट हुँदा एमिला केर ७, लिया टहुहु ६, म्याडी ग्रीन ३ र रोजम्यारी मैर २ रन जोड्दै पेविलियन फर्किन् ।
न्युजिल्याण्डले अतिरिक्त रुपमा १ रन जोड्यो ।
वेस्ट इनिडजका लागि डियान्ड्र गोटिनले सर्वाधिक ४ विकेट लिँदा अफे फ्लेट्चरले २ तथा फरान जोनास, लिया टुहुहु, तथा सुजी बेटिस समान १–१ विकेट लिइन् ।
लेखक
