एजेन्सी । नेपालले अर्को सातादेखि आईसीसी क्रिकेट विश्वकप लिग २ अन्तर्गत सिरिज खेल्दैछ ।
क्यानडामा सेप्टेम्बर १६ तारिखदेखि २४ तारिखसम्म नेपालले सिरिज खेल्ने भएको हो ।
नेपाल क्रिकेट संघ (क्यान) ले सोमवार ओडिआई सिरिजको खेल तालिका सार्वजनिक गरेको छ ।
सिरिजमा नेपालसहित घरेलु टोली क्यानडा र ओमान रहेका छन् ।
तीनै टोलीले प्रत्येकसंग दुई–दुई खेल खेल्नेछ ।
नेपालले खेल घरेलु टोली क्यानडासंग सेप्टेम्बर १६ तारिखमा खेल्दै सिरिजको सुरुवात गर्नेछ ।
त्यसपछि ओमानसंग १८, क्यानडासंग २२ र फेरी ओमानसंग २४ तारिखमा खेल खेल्ने तालिका रहेको छ ।
क्रिकेट विश्वकप लिग २ को तालिकामा नेपाल ४ खेलबाट मात्र १ जितसहित २ अंकका साथ सातौंमा रहेको छ ।
यता, ओडिआई सिरिज सकिए लगत्तै तीनै टोलीले क्यानडामै टि–२० सिरिज पनि खेल्दैछ ।
टि–२० सिरिज भने सेम्प्टेम्बर २८ तारिखदेखि अक्टुबर ३ तारिखसम्म हुनेछ ।
नेपालले टि–२० सिरिजको पहिलो खेल सेप्टेम्बर २८ तारिखमा क्यानडासंग खेल्नेछ । भने दोस्रो खेल २९ तारिखमा ओमानसंग तेस्रो अक्टुबर १ तारिखमा क्यानडासंग र २ तारिखमा ओमानसंग खेल्ने तालिका रहेको छ ।
लेखक
