एजेन्सी । कोनमेबोल विश्वकप छनोटमा अर्जेन्टिना पाराग्वेसंग स्तब्ध बनेको छ ।
शुक्रवार विहान भएको खेलमा विश्व विजेता अर्जेन्टिना पाराग्वेसंग २–१ ले स्तब्ध बनेको हो ।
पाराग्वेको घरेलु मैदान इस्टाडियो युनो डिफेनसोरेस देल चाको रंगशालामा भएको खेलमा घरेलु टोलीलाई पुनरागमन जित दिलाउन एन्टोनियो सानाब्रिया र ओमार अलडेरेटेले गोल गरे ।
पराजित अर्जेन्टिनाका लागि भने लाउटारो मार्टिनेजले एक गोल गरे ।
खेल सुरु भएको ११ औं मिनेटमा इन्जो फर्नान्डेजको पासमा मार्टिनेजले गोल गर्दै अर्जेन्टिनालाई १–० ले अघि बढाए ।
तर, १९ औं मिनेटमा गुस्टाभो भेलाजक्विजको पासमा सानाब्रियाले घरेलु टोलीका लागि गोल फर्काउँदा खेल १–१ को बराबरीमा आयो ।
यता, दोस्रो हाफको ४७ औं मिनेटमा डिएगो गोमेजको पासमा ओमारले गोल गर्दा पाराग्वे २–१ ले अघि बढ्यो ।
त्यसपछि खेलमा थप गोल निस्किएन ।
जितसंगै पाराग्वेले ११ खेलबाट १६ अंक जोडेर लिग तालिकाको छैटौं स्थानमा उक्लेको छ ।
नमिठो हार बेहोरेको लिग लिडर अर्जेन्टिनाले ११ खेलबाट २२ अंक रहेको छ ।
लेखक
