एजेन्सी । ब्राजिल कोन्मेबोल विश्वकप छनोटमा उरुग्वेसंग बराबरीमा रोकिएको छ ।
बुधवार विहान भएको खेलमा ब्राजिल उरुग्वेसंग १–१ को बराबरीमा रोकिएको हो ।
ब्राजिलको घरेलु मैदान एरिना फोन्टे नोभा रंगशालामा भएको खेल पहिलो हाफ गोलरहित बराबरीमा सकियो ।
त्यसपछि दोस्रो हाफको ५५ औं मिनेटमा म्याक्सिमिलियानो अरौजोको पासमा फेडिरिको भालभार्डेको गोलमार्फत् उरुग्वेले १–० को अग्रता लियो ।
तर, ६२ औं मिनेटमा गिर्सनले घरेलु टोलीका लागि गोल फर्काउँदा खेल १–१ को बराबरीमा आयो ।
त्यसपछि खेलमा थप गोल भएन ।
बराबरीसंगै ब्राजिलले १२ खेलबाट १८ अंक जोडेर छनोट तालिकाको पाँचौं स्थानमा झरेको छ ।
उरुग्वेको भने समान १२ खेलमा २० अंकसहित तालिकाको दोस्रो स्थानमा कायम रहेको छ ।
लेखक
