एजेन्सी । एसियाली फुटबलको शक्ति राष्ट्र दक्षिण कोरियाले एएफसी विश्वकप छनोटअन्तर्गत खेलमा मित्र राष्ट्र चीनमाथि जित निकालेको छ ।
मंगलवार भएको एसियाली क्षेत्रको विश्वकप छनोटअन्तर्गत दोस्रो चरणको अन्तिम खेलमा दक्षिण कोरियाले चीनमाथि १–० को जित निकालेको हो ।
दक्षिणको कोरियाको घरेलु मैदान सियोल वल्र्ड कप स्टेडियममा भएको खेलमा घरेलु टोलीलाई जिताउन लि काङ इनले एकमात्र निर्णायक गोल गरे ।
पहिलो हाफ गोलरहित बराबरीमा सकिएको खेलमा दोस्रो हाफको ६१ औं मिनेटमा लि काङ इनले गोल गर्दै कोरियालाई १–० ले जित दिलाए ।
जितसंगै समूह ‘सी’ मा रहेको कोरियाले ६ खेलबाट ५ खेलमा जित र १ खेलमा बराबरीको नतिजासहित १६ अंक जोड्दै शीर्ष स्थानमा रहेर अघिल्लो चरण तय गर्यो ।
पराजयका बाबजुद पनि चीनले ६ खेलबाट ६ नै अंक जोड्दै तालिकामा दोस्रो स्थानमा रहँदै अघिल्लो चरण पक्का गर्यो ।
सोहि समूहको अर्को खेलमा थाइल्याण्डले सिङ्गापुरमाथि ३–१ को जित हासिल गर्यो ।
थाइल्याण्ड समूह तालिकाको तेस्रो र सिंङ्गापुर पुच्छारमा रह्यो ।
लेखक
