भक्तपुर । फिफा विश्वकपअन्तर्गत सनिवार राति तेस्रो स्थानको लागि प्रतिस्पर्धा हुँदैछ ।
जारी विश्वकपको सेमिफाइनल खेलमा पराजित दुई राष्ट्र तेस्रो स्थानका लागि खेल्ने गर्दछ । विश्वकपमा तेस्रो स्थानलाई प्रतिष्ठाको लडाई पनि मान्ने गरिन्छ ।
आज तेस्रो स्थानको लागि युरोपेली राष्ट्र क्रोएसिया र उत्तर अफ्रिकी राष्ट्र मोरक्कोबीच प्रतिस्पर्धा हुँदैछ ।
यस्तोमा आजको खेलमा प्रभाव पार्न सक्ने दुबै राष्ट्रका एक–एक खेलाडीबारे चर्चा गरौं ।
लुक्का मोड्रिच (क्रोएसिया)
सन् १९८५ सप्टेम्बर ९ तारिखमा जन्मिएका लुक्का मोड्रिच क्रोएसियाका कप्तान हुन् । जारी विश्वकपमा क्रोएसियालाई सेमिफाइनलसम्म पु¥याउन उनको महत्वपूर्ण भूमिका रहेको छ ।
मिडफिल्डको प्राय सबै पोजिसनबाट खेल्न सक्ने ३७ वर्षिय खेलाडीले जारी विश्वकपमा गोलको खाता भने खोल्न सकेको छैन ।
तर, खेललाई नियन्त्रण गर्न सक्ने खुबी रहेको मोड्रिचले कुनैपनि समय खेललाई परिर्वतन गर्न सक्छ ।
व्यवसायिक रुपमा स्पेनिस क्लब रियल मड्रिडबाट खेल्ने उनले क्लबका लागि सबै खाले उपाधि जितिसकेका छन् ।
त्यस्तै, व्यक्तिगत रुपमा पनि ला लिगाको उत्कृष्ट मिडफिल्डर अवार्ड (२०१६), यूईएफए क्लब फुटबल अवार्ड (२०१७÷१८), फिफाको पुरुष सर्बोकृष्ट अवार्ड (२०१८) तथा बेलोन डीओआर (२०१९) बाट पनि सम्मानित भइसकेका छन् ।
१० नम्बरको जर्सीमा देखिने निक्कै नै अनुभवी र पाका खेलाडी मोड्रिच मोरक्को विरुद्वको खेलमा निर्णायक बन्न सक्नेछन् ।
हाकिम जियाच (मोरक्को)
मोरक्कोका लागि विङ्गर र अट्याकिङ मिडफिल्डरमा खेल्ने युवा खेलाडी जियाच महत्वपूर्ण खेलाडी हुन् ।
सन् १९९३ मार्च १९ मा जन्मेका जियाच व्यवसायिक रुपमा इंग्लिस क्लब चेल्सीबाट खेल्ने गर्छन् ।
नेडरल्याण्डमा जन्मेका उनले डच राष्ट्रबाट खेल्न पाउँदा पाउँदै पनि उनका बुबाको देश मोरक्कोको जर्सीबाट फुटबल खेले ।
सन् २०१८ को रसिया विश्वकप पनि मोरक्कोबाट खेलेका उनलाई ड्रिविलिङ, लामो पास, टेकनिक र फिकिक प्रहारका लागि उत्कृष्ट मान्ने गरिन्छ ।
एक समय मोरक्कोको राष्ट्रिय टोलीबाट संन्यास लिइसकेका जियाच विश्वकपका लागि पुनः मैदान फर्किएका हुन् ।
कतार विश्वकपमा मोरक्कोले एतिहासिक रुपमा सेमिफाइनलको यात्रा तय गर्दा जियाचको प्रदर्शन निक्कै नै सशक्त रह्यो ।
जारी विश्वकपमा उनको नाममा एक गोल पनि छ । मोरक्कोका लागि ४९ खेलमा १९ गोल गरिसकेका छन् ।
आज राति हुने क्रोएसियाविरुद्वको खेलमा मोरक्कोका लागि युवा उदयमान खेलाडी जियाच प्रमूख खेलाडी रहन सक्नेछ ।
लेखक
