भक्तपुर । तेस्रो संस्करणको अन्तर विद्यालयस्तरिय सिद्वी स्मिृति भक्तपुर कप चौथौं दिन पनि जारी रह्यो ।
विहिवार भएको पहिलो खेलमा मनकामना सेकेन्डरी स्कुल जित हात पार्दा दोस्रो खेलमा विनायक शिक्षा निकतन विजयी रह्यो ।
भक्तपुरस्थित स्थानिय महश्वरी खेल मैदानमा भएको दोस्रो खेलमा विनायक शिक्षा निकेतनले पारागन एकेडेमीमाथि ३–० को जित हात पार्यो ।
सबै गोल पहिलो हाफमा सम्भव भएको थियो । विनायकको जितमा दिपेन राईले २ गोल गर्दा प्रसङ्ग श्रेष्ठ १ गोल गरेका थिए ।
खेलको २२ औं मिनेटमा जर्सी नम्बर २१ का प्रसङ्गले गोल गर्दै विनायकलाई खेलमा १–० ले अघि बढाएका थिए ।
त्यसपछि दिपेनले २४ र २५ औं मिनेटमा लगातार २ गोल गर्दा विनायले खेल ३–० ले जित्यो ।
खेलको म्यान अफ द म्याच विनायकका दिपेन राई घोषित भए । दिपेनलाई भक्तपुर फुटबल क्लबका विशेष समिति सदस्य अनिल राजभण्डारीले ट्रफी हस्तान्तरण गरेका थिए ।
त्यस्तै, आजै (विहिवार) भएको पहिलो खेलमा मनकामना सेकेन्डरी स्कुलले मडरल्याण्ड सेकेन्डरी स्कुलमाथि ४–२ को जित निकाल्यो ।
१२ औं मिनेटमा जर्सी नम्बर १० का मानव बोजनले गोल गर्दै मनकामनालाई खेलमा सुरुवाती अग्रता दिलाएका थिए ।
त्यपपछि १७ औं मिनेटमा जर्सी नम्बर ७ का रिसु खत्रीले गोल थप्दा मनकामना २–० ले अघि बढ्यो ।
यता, २९ औं मिनेटमा जर्सी नम्बर ९ का कृष्ण मोक्तानले गोल गर्दा पहिलो हाफ ३–० ले मनकामना अघि रह्यो ।
दोस्रो हाफको ३२ औं मिनेटमा जर्सी नम्बर ५ का रोबिन तामाङले गोल गर्दा मनकामना एकतर्फी रुपमा खेलमा ४–० ले अघि बढ्यो ।
तर, खेलको ३९ औं मिनेटमा जर्सी नम्बर १९ का क्रितिक भट्टराईले गोल फर्काउँदै मडरल्याण्डलाई खेलमा फर्काउने कोशिश गर्यो ।
त्यसको ३ मिनेट पछि मडरल्याण्डका जर्सी नम्बर १६ का जयाप्रसाद विकले गोल गर्दा खेल ४–२ को अवस्थामा आयो । त्यसपछि खेलमा थप गोल निस्किएन र खेल मनकामनाको पक्षमा सक्यो ।
लेखक
